Convócanse a concurso público, procedemento aberto, polo trámite de urxencia, as obras de reforma e ampliación para cafetería-comedor na escola universitaria de Arquitectura Técnica no campus da Zapateira.

O prego de cláusulas administrativas particulares para a contratación de obras por concurso público pódese retirar na xerencia, Servicio de Xestión Económica, na sede do Rectorado, sita en r/ Maestranza, s/n, A Coruña, de luns a venres e de 9 a 14 horas.

As propostas presentaranse no rexistro xeral da universidade, r/ Maestranza, s/n, de luns a venres e de 9 a 14 horas.

O prazo de presentación de proposicións rematará ás 14 horas do décimo terceiro día natural contado a partir do seguinte ó da publicación desta resolución no Diario Oficial de Galicia

A apertura de plicas celebrarase o terceiro día hábil seguinte ó do remate do prazo de presentación de proposicións, ás 11 horas da mañá na sala de xuntas da xerencia; se este día coincide en sábado, realizarase o luns seguinte á mesma hora.

Orzamento de contratación: setenta e un millóns trescentas corenta mil pesetas (71.340.000).

Garantía provisional: un millón catrocentas vinteseis mil oitocentas pesetas (1.426.800).

Clasificación: grupo C; subgrupo: todos; categoría e.

Prazo de execución: cinco meses.

A Coruña, 21 de novembro de 1997.

P.D. (Resolución 30-3-1990)

José María Pujalte Giménez

Xerente

9487