O Concello de Cariño, en sesión plenaria extraordinaria celebrada o pasado trece de novembro, acordou aprobar inicialmente os estudios de fixación de alturas medias redactadas polo técnico municipal J. Fernando Fraguela Docanto, relativos as rúas: Dr. Carreño; Rúa Profesor Horacio Fernández; Rúa Curros Enríquez; parcela onde se situará o Centro de Saúde de Cariño e estrada xeral (tramo dereito) CP-6121/Sagrón (desde O Cadro ata Concepción Arenal), de conformidade co disposto no artigo 60 da Lei 1/1997, do 24 de marzo, do solo de Galicia.

Sométense a información pública, polo prazo dun mes, mediante inserción de anuncio no DOG, nun

dos xornais de máxima difusión da provincia e no taboleiro de anuncios da Casa do Concello.

O prazo de exposición ó público entenderase aberto desde a publicación do presente anuncio no DOG. A documentación atópase á disposición do público nos servicios técnicos da Casa do Concello.

O presente anuncio servirá de notificación nos termos do artigo 59 da Lei 30/1992, do 26 de novembro, de réxime xurídico das administracións públicas e do procedemento administrativo común, para tódolos propietarios e interesados directamente afectados que, por resultaren descoñecidos ou por ignora-lo seu enderezo, non poidan ser notificados individualmente.

Cariño, 17 de novembro de 1997.

Fernando Tallón Cabana

Alcalde

9438