De conformidade co disposto no artigo 7 da Lei 39/1988 e 106.3º da Ley 7/1985, e en cumprimento do acordado pola corporación provincial na sesión do día da data, faise público que a Deputación Provincial de Ourense asume a competencia delegada nela polos concellos que se relacionan, para a xestión, liquidación, inspección e recadación dos impostos que se mencionan, nas condicións xerais establecidas e que se detallan no anuncio publicado por esta corporación no Diario Oficial de Galicia do día 19 de setembro de 1994:

Concellos; impostos:

Toén; imposto de vehículos de tracción mecánica.

Boborás; imposto de vehículos de tracción mecánica, imposto sobre bens inmobles e imposto sobre actividades económicas.

A data de inicio de efectos desta delegación e o prazo da súa vixencia axustaranse ás normas que ten establecidas esta deputación.

Ourense, 31 de outubro de 1997.

José Luis Baltar Pumar

Presidente da Deputación Provincial de Ourense