O apartado 7 da base oitava da Resolución do 19 de xuño de 1995 (DOG nº 122, do 27 de xuño),

da Dirección Xeral de Recursos Humanos do Servicio Galego de Saúde pola que se convoca concurso-oposición para o ingreso en determinadas categorías de persoal estatutario do organismo dispón que, celebrado o acto de elección de destino, a autoridade convocante publicará no Diario Oficial de Galicia a relación de aspirantes aprobados con indicación da praza que lles corresponde para os efectos de presenta-la documentación esixida nel.

Por todo isto, esta dirección xeral

ACORDA:

Primeiro.-Ordena-la publicación no Diario Oficial de Galicia, nos anexos da presente resolución, da relación de aspirantes aprobados en cada unha das categorías do grupo técnico da función administrativa e de ATS/DUE incluídas no concurso-oposición convocado pola Resolución do 19 de xuño de 1995.

Segundo.-Os aspirantes aprobados disporán dun prazo de vinte días naturais contados desde o día seguinte á dita publicación para presenta-la seguinte documentación:

a) Fotocopia compulsada do DNI.

b) Fotocopia compulsada do título esixido para o ingreso na correspondente categoría, segundo o disposto na base segunda A) 5, anexo I, das ditas resolucións do 18 de maio e do 19 de xuño de 1995.

c) Declaración xurada ou promesa de non ter sido separado mediante expediente disciplinario de ningunha Administración pública, nin estar inhabilitado para o exercicio de funcións públicas.

d) Certificado médico en modelo oficial, acreditativo de non estar afectado por limitacións físicas ou psíquicas que o imposibiliten para o desempeño das funcións correspondentes á praza que se desempeñará. Para os aspirantes que accederan pola quenda de discapacitados deberán achegar a certificación acreditativa da correspondente minusvalidez.

e) Declaración xurada ou promesa de que non incorre en incompatibilidade consonte a lexislación vixente.

Terceiro.-De conformidade co establecido no apartado 8 da base oitava da resolución de convocatoria, os aspirantes aprobados que tiveran a condición de persoal fixo, por calquera vínculo, ó servicio das administracións públicas ou dos Servicios de Saúde estarán exentos de acredita-las condicións e requisitos xa xustificados para obte-lo seu anterior nomeamento, debendo presentar certificación do organismo de que dependan acreditando a súa condición e demais circunstancias que consten no seu expediente persoal. En todo caso, aportarán os documentos a que fan referencia os parágrafos c) e d) do apartado anterior.

Cuarto.-A documentación dirixirase ó director xeral de Recursos Humanos do Servicio Galego de

Saúde e poderá presentarse en calquera dos seguintes lugares:

a) No rexistro xeral da Consellería de Sanidade e Servicios Sociais sito en San Caetano, bloque 2, 2º, en Santiago de Compostela.

b) Nas delegacións provinciais da Consellería de Sanidade e Servicios Sociais.

c) Nas dirección provinciais do Servicio Galego de Saúde.

d) Nos servicios de persoal dos centros ou complexos hospitalarios da rede pública do Servicio Galego de Saúde.

e) Nos servicios de persoal das administracións dos centros de xestión de atención primaria do Servicio Galego de Saúde.

Tamén poderá presentarse a dita documentación a través de calquera dos procedementos do artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común.

Quinto.-Os aspirantes que dentro do prazo fixado, e salvo casos de forza maior libremente apreciada pola autoridade convocante, non presentaren a documentación, non poderán ser nomeados e quedarán anuladas tódalas súas actuacións, sen prexuízo da responsabilidade en que puideran incorrer por falsidade.

Sexto.-A presente resolución poderá ser impugnada polos interesados nos termos previstos na base décima da respectiva convocatoria.

Santiago de Compostela, 20 de novembro de 1997.

Valeriano Martínez García

Director xeral de Recursos Humanos

8957