O 17 de novembro de 1997, a Dirección Xeral de Industria da Consellería de Industria e Comercio da Xunta de Galicia autorizou as instalacións do proxecto de gasificación do noroeste: rede de Vilagarcía de Arousa. A dita aprobación, de acordo co disposto no artigo 13 da Lei 10/1987, do 15 de xuño, de disposicións básicas para un desenvolvemento coordinado de actuacións en materia de combustibles gasosos, leva implícita a declaración de necesidade de ocupación dos terreos afectados. Ó mesmo tempo, a declaración de utilidade pública e urxencia na ocupación vén determinada polo disposto no artigo 10 da citada lei.
Na súa virtude, esta delegación provincial, en cumprimento do disposto no artigo 52 da Lei de expropiación forzosa, do 16 de decembro de 1954, acordou convoca-los titulares dos bens e dereitos afectados na Casa do Concello onde están os predios, como punto de reunión para, con independencia de desprazarse posteriormente ó terreo e de conformidade con procedemento que establece o citado artigo, levar a cabo o levantamento das actas previas á ocupación e, se procedera, o das de ocupación definitiva.
Tódolos interesados, así como as persoas que sexan titulares de calquera clase de dereitos e intereses sobre os bens afectados, deberán acudir persoalmente ou representados por persoa debidamente autorizada, aportando os documentos acreditativos da súa titularidade máis o último recibo da contribución, podéndose acompañar, pola súa conta, dos seus peritos e un notario, se o consideran oportuno.
Para o levantamento de actas, os afectados deberán presentarse no Concello de Caldas de Reis, o próximo día 11 de decembro de 1997, a partir das 9 horas.
A orde de levantamento de actas comunicaráselle a cada interesado mediante a oportuna cédula de citación, figurando a relación de titulares convocados no taboleiro de edictos dos concellos sinalados.
É de significar que esta publicación se realiza igualmente para os efectos determinados polo artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, de notificación do presente acordo ós titulares descoñecidos e máis a aqueles con domicilio descoñecido dos predios que se describen no anexo.
No expediente expropiatorio, Enagás, S.A. asumirá a condición de beneficiaria, coas obrigas e dereitos establecidos nos artigos 2.2º da Lei de expropiacion forzosa e 5 do seu regulamento.
Pontevedra, 19 de novembro de 1997.
Ramón Álvarez Abad
Delegado provincial de Pontevedra
ANEXO
Relación que se cita con expresión de número de predio, titular
Datos catastrais (polígono e parcela) e natureza
Afección Catastro Citación Predio nº Titular e enderezo Natureza Lonx. M.L. O. Tem. m Políg. Parcela Mes Día Hora
T.M.: Caldas de Reis PO-CA-957 Descoñecido 2 20 86 384 Terra labor Decembro 11 12
372