Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Barras Eléctricas, S.A.
Enderezo social: rúa Cidade de Viveiro, 4-1º, Lugo.
Denominación: L.M.T. Subt. entre C.T. Montemar e C.T. Rego-2 en Covas.
Situación: Viveiro.
Descricións técnicas: liña de media tensión subterránea, a 20 kV, con conductor D.H.V. 15/25 kV de 1x150 mm Al, cunha lonxitude de 490 metros, entre C.T. Montemar e C.T. Rego-2, para mellora do servicio eléctrico en Covas, concello de Viveiro.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve,
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nas condicións establecidas polos ministerios, organismos ou corporacións que constan no expediente.
Lugo, 14 de outubro de 1997.
Jesús Bendaña Suárez
Delegado provincial de Lugo
8737