Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.
Solicitante: Barras Eléctricas, S.A.
Enderezo social: rúa Cidade de Viveiro, 4-1º, Lugo.
Denominación: L.M.T., C.T., R.B.T. Lousada-Fazouro.
Situación: Foz.
Descricións técnicas: liña de media tensión, a 20 kV, en conductor LA-56 de 54,6 mm Al, cunha lonxitude de 91 metros, sobre torres metálicas. Centro de transformación de 100 kVA 20.000/380-220 V, sobre torre metálica. Rede de baixa tensión, sobre apoios de formigón e conductor trenzado, para darlle subministración eléctrica á estación repetidor de telefonía móvil en Lousada-Fazouro, concello de Foz.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolve,
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nas condicións establecidas polos ministerios, organismos ou corporacións que constan no expediente.
Lugo, 14 de outubro de 1997.
Jesús Bendaña Suárez
Delegado provincial de Lugo
8734