Ponse en coñecemento do público en xeral que, de acordo coas condicións establecidas nas operacións crediticias a xuro variable, en función da posible alteración dos xuros para préstamos a 3 anos de determinados bancos (neste caso, do Central Hispanoamericano, Bilbao Vizcaya e Español de Crédito), o tipo de referencia para o ano 1998 resulta se-lo 13,33%, que é a media aritmética simple dos mencionados tipos, declarados ó Banco de España o 30 de setembro de 1997.

Como consecuencia, o tipo de xuro nominal anual que se vai aplicar a cada unha das indicadas operacións crediticias, e desde a data sinalada no contrato correspondente de inicio da posible alteración, será o resultado da suma alxebraica do dito tipo de referencia e da marxe pactada.

José Antonio Rodríguez Vilas

Adxunto ó xefe da área de Admón. de Investimentos e Mercado de Capitais