Intentada a notificación persoal e devolta polo servicio de correos por resultar imposible a súa práctica, de conformidade co disposto no artigo 59.4º da Lei 30/1992, do 26 de novembro, pola presente cédula notifícaselles ós interesados que se indica, cos datos e último domicilio coñecido, as resolucións dos recursos ordinarios, interpostos contra resolucións dos delegados provinciais da Consellería de Xustiza, Interior e Relacións Laborais, pola que se lles impón sancións pola comisión de infraccións en materia de horarios de espectáculos e establecementos públicos, de conformidade co disposto na Lei orgánica 1/1992, do 21 de febreiro, de seguridade cidadá.

O importe da sanción deberá ingresarse no prazo de 15 días hábiles, período de pagamento voluntario sinalado no boletín de multas e sancións da Consellería de Economía e Facenda que poderá recoller ou ben nas oficinas das delegacións provinciais ou nas oficinas da Secretaría Xeral da Consellería de Xustiza, Interior e Relacións Laborais, a favor do Tesouro da Facenda galega, conta restrinxida da Consellería de Xustiza, Interior e Relacións Laborais. Recadación de multas e sancións de espectáculos públicos número 2091/0152/29-3110001658, en calquera das oficinas da entidade bancaria Caixa Galicia para as sancións interpostas polo delegado provincial de Lugo, e conta nº 2091/0707/01/3110000025 de calquera das oficinas da entidade Caixa Galicia para as impostas polo delegado provincial da Coruña, facendo consta-lo número do expediente sancionador. Transcorrido o dito prazo procederase ó cobramento pola vía de constrinximento, de conformidade co establecido na disposición terceira da

Orde do 22 de maio de 1987, da Consellería de Economía e Facenda (DOG do 3 de xuño).

Non obstante o anterior, contra esta resolución que se transcribe definitiva en vía administrativa, poderá interpoñerse recurso contencioso-administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses contados desde o día seguinte ó da publicación da presente cédula, lembrándolle que de conformidade co artigo 110.3 da Lei 30/1992, de réxime xurídico das administracións públicas e procedemento administrativo común, deberá comunicarllo previamente ó órgano que o adoptou, e sen prexuízo de que o interesado poida presentar calquera outro recurso que considere conveniente.

E para que conste e sirva de notificación, asino e selo a presente cédula en Santiago de Compostela o 24 de outubro de 1997.

José Antonio Álvarez Vidal

Secretario xeral da Consellería de Xustiza, Interior e Relacións Laborais

8526