A Dirección Xerencia do Complexo Hospitalario Provincial de Pontevedra-Rebullón, en virtude das atribucións que lle foron delegadas de acordo co establecido no artigo 7 da orde da Consellería de Sanidade e Servicios Sociais do 22 de maio de 1996 (DOG 111, do 6 de xuño), sobre delegación de competencias en órganos centrais e periféricos do Sergas, convoca a seguinte concurso público:

Obxecto e orzamento: contratación de prestación do servicio de transporte, tratamento e eliminación de residuos hospitalarios.

Orzamento: 19.467.000 ptas. (dezanove millóns catrocentas sesenta e sete mil pesetas).

Prazo de execución: será dun ano desde a data de formalización do contrato, se ben, de conformidade co exposto no artigo 199 da LCAP, poderá ser obxecto de prórroga por mutuo acordo das partes, antes da finalización daquel, sen que o total do contrato, incluídas as prórrogas, poida exceder de seis anos.

Forma de adxudicación: procedemento aberto por medio de concurso público, trámite urxente nº 16/1997.

Admisión de variantes: os licitadores poderán introducir nas súas proposicións varias ofertas, que co mesmo ou distinto prezo, pero sempre igual ou inferior ó orzamento de licitación, incorporen, para a prestación da subministración, solucións alternativas ás definidas nas prescricións técnicas, nos artigos e especificacións que expresamente se admitan nas citadas prescricións.

Solvencia económica e financeira: acreditarase polos medios previstos no artigo 16 da Lei 13/1995, de contratos da Administración pública.

Solvencia técnica: acreditarase polos medios previstos no artigo 19 da Lei 13/1995, de contratos da administración pública.

Fianza provisional: a contía da fianza provisional (por valor do 2% do orzamento total do contrato) é de trescentas oitenta e nove mil trescentas corenta pesetas (389.340 ptas.).

Clasificación esixida: non se esixe.

Criterios de adxudicación:

Nº ordeCriterio de adxudicaciónPonderación

1Memoria propostaAta 30 puntos

2PrezoAta 30 puntos

3Medidas de seguridade, garantía do servicioAta 20 puntos

4ServicioAta 15 puntos

5ExperienciaAta 5 puntos

Documentación de interese para os licitadores: os pregos de cláusulas administrativas particulares e prescricións técnicas e demais documentación complementaria poden ser solicitados no departamento de aprovisionamento do Complexo Hospitalario Provincial-Rebullón, r/ Loureiro Crespo nº 1, das 9 ás 14 horas, de luns a venres. Tfno. (986) 86 23 63 e fax (986) 84 79 41.

Presentación de proposicións: deberanse presentar en man, en sobres pechados e asinados polo licitador ou persoa que o represente, no rexistro xeral deste complexo hospitalario, antes das 14 horas do décimo terceiro día natural contados desde o seguinte ó da publicación desta resolución no DOG, ou enviadas por correo dentro do prazo sinalado.

Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax (986) 84 79 41 ou telegrama no mesmo día, de conformidade coa lexislación vixente.

Apertura de proposicións: terá lugar nun acto público na sala de xuntas do Complexo Hospitalario Provincial-Rebullón ás 10 horas do décimo primeiro día natural contado desde o seguinte día a aquel en que remate o prazo de presentación de ofertas. No caso de que o devandito día coincida en sábado ou festivo, a apertura das proposicións terá lugar no día hábil seguinte.

Documentación que deberán achega-los licitadores: os documentos que figuran no prego de cláusulas administrativas particulares.

Anuncios: o pagamento dos anuncios do presente concurso público será por conta do adxudicatario/s do contrato.

Pontevedra, 30 de outubro de 1997.

Alfredo García Iglesias

Director xerente do Complexo Hospitalario

Provincial-Rebullón de Pontevedra

8804