O Consello da Xerencia Municipal de Urbanismo, en sesión celebrada o día 17 de outubro de 1997, acordou aprobar inicialmente o estudio de detalle para un soar sito entre a travesía de Vigo e a rúa Asturias, 15, conforme a documentación presentada por Esgasa Galicia, S.A., redactado polo arquitecto Roberto Rodríguez Martínez, e visado polo COAG con data do 6 de xuño de 1997.
Sométese a información pública polo prazo dun mes, mediante inserción de anuncio no DOG, nun xornal dos de maior circulación da provincia e no taboleiro da Casa do Concello.
Significando que o prazo de exposición ó público se entenderá aberto desde a primeira publicación ata o remate do mes, contado desde o derradeiro anuncio. A documentación atópase na oficina de Información da Xerencia Municipal de Urbanismo ó dispor do público, planta baixa da Casa do Concello.
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou por ignora-lo seu enderezo, non poidan ser notificados persoalmente.
Vigo, 27 de outubro de 1997.
Manuel Pérez Álvarez
Alcalde