DOG 220 do 13/11/1997 - RESOLUCIÓN do 6 de novembro de 1997, do tribunal IV-1C, designado para xulga-las probas selectivas para o acceso ás categorías 23/24/25 e 30 do grupo IV do persoal laboral fixo da Xunta de Galicia, convocadas por orde da Consellería da Presidencia e Administración Pública do 2 de decembro de 1996, pola que se procede ó sinalamento da data, a hora e o lugar de celebración do primeiro exercicio das devanditas probas selectivas.

IV. OPOSICIÓNS E CONCURSOS

CONSELLERÍA DA PRESIDENCIA E ADMINISTRACIÓN PÚBLICA

RESOLUCIÓN do 6 de novembro de 1997, do tribunal IV-1C, designado para xulga-las probas selectivas para o acceso ás categorías 23/24/25 e 30 do grupo IV do persoal laboral fixo da Xunta de Galicia, convocadas por orde da Consellería da Presidencia e Administración Pública do 2 de decembro de 1996, pola que se procede ó sinalamento da data, a hora e o lugar de celebración do primeiro exercicio das devanditas probas selectivas.

Na sesión celebrada o día 5 de novembro de 1997 polo tribunal IV-1C, designado para xulga-las probas selectivas para o acceso ás categorías 23/24/25 e 30 do grupo IV do persoal laboral fixo da Xunta de Galicia, convocadas por orde da Consellería da Presidencia e Administración Pública do 2 de decembro de 1996 (DOG nº 242, do 12 de decembro), acordouse:

1º. Que o primeiro exercicio para os aspirantes admitidos no proceso selectivo para o acceso á categoría 24 (xastre) do grupo IV terá lugar o día 29 de novembro de 1997, ás 11.30 horas, na Escola Galega de Administración Pública, sita no polígono das Fontiñas, na localidade de Santiago de Compostela.

O chamamento para a entrada dos opositores no lugar de celebración do exercicio comezará ás 11.15 horas.

2º. Os aspirantes deberán comparecer provistos de documento identificativo (base II.2.3 e base II.3.2), lapis do nº 2 e goma de borrar.

Santiago de Compostela, 6 de novembro de 1997.

José R. Pardo Cabarcos

Presidente do tribunal

8674