Polo presente anuncio convócanse os propietarios afectados pola actuación industrial-residencial Os Capelos, sita neste termo municipal para proceder ó pagamento dos prezos xustos pola Delegación Provincial da Consellería de Política Territorial, Obras Públicas e Vivenda, con data do 21 de xullo de 1997.

En virtude dos disposto nos artigos 48 da Lei de expropiación forzosa e artigo 49 do seu regulamento, artigo 205 do Regulamento de xestión urbanística, convócase os afectados polo proxecto de expropiación referido á actuación industrial-residencial Os Capelos deste termo municipal para os días 25, 26 e 27 do actual novembro, de 9 a 14.30 horas no salón de actos desta Casa do Concello, co fin de proceder ó pagamento do prezo xusto e subseguinte levantamento da acta de ocupación, se for o caso.

En relación ó pagamento que se convoca, signifícase que conforme o citado precepto do Regulamento de xestión urbanística, deberá aportarse certificación rexistral acreditativa da titularidade do predio na que conste que se extinguiu a nota á que se contrae o artigo 32 do Regulamento hipotecario; procedéndose, se for o caso, segundo prevén os artigos 51 do Regulamento de expropiación forzosa e o artigo 206 do Regulamento de xestión urbanística á consignación, na Caixa Central de Depósito do Ministerio de Economía e Facenda, dos prezos xustos aprobados pola delegación provincial, conforme aparece publicado no Diario Oficial de Galicia de data do 13 de agosto de 1997.

Relación de afectados

Para calquera consulta deberán dirixirse á Sección de Urbanismo deste concello ou ben á Sociedade Estatal de Promoción e Equipamento do Solo (SEPES), con domicilio social en Madrid, Paseo de la Castellana 91, Tlfno.: (91) 556 50 15 (fax) 91-556 69 89, distrito postal 28046.

Carral, 31 de outubro de 1997.

Juan Manuel Vales Rodríguez

Alcalde

8614