Para os efectos previstos nos artigos 52 e 53 da Lei 40/1994, do 30 de decembro, de ordenación do Sistema Eléctrico Nacional, artigo 9 do Decreto 2117 e o artigo 10 do Decreto 2619/1996, ámbolos dous do 20 de outubro, de aplicación en virtude do establecido na disposición transitoria primeira da citada lei, sométese a información pública a solicitude de autorización e declaración de utilidade pública, en concreto, da instalación eléctrica coas características que se indican a continuación:

Referencia: proxecto de execución para a construcción dunha liña eléctrica aérea de 132 kV desde a subestación de Muras ata o apoio nº 56 da L.A.T. Bustelo-Tesouro da empresa MADE Energías Renovables.

Peticionario: Gamesa Promoción Eólica, con domicilio social en Santiago de Compostela, Avda. do Cruceiro da Coruña, 201A.

Finalidade: transporte de enerxía eléctrica á subestación de Mourela, propiedade de Unión Eléctrica-Fenosa, S.A. desde o parque eólico de Muras I (Gamesa Promoción Eólica).

Obxecto: autorización administrativa, aprobación do proxecto e declaración de utilidade pública, que comportará a expropiación forzosa, polo procedemento de urxente ocupación, dos bens e da adquisición dos dereitos afectados.

Descrición: liña de 132 kV que vai desde a subestación do parque eólico de Muras I ata o apoio nº 56 da liña de alta tensión Bustelo-Tesouro propiedade de MADE Energías Renovables, S.A.; por un dos circuítos desta liña chégase á subestación de Mourela onde se entrega a enerxía.

Parte aérea: a lonxitude total da liña desde a subestación do parque eólico de Muras I ata o apoio nº 56 da L.A.T. Bustelo-Tesouro é de 4.327 metros, constituída por un circuíto de 3 conductores LA-180, sobre soportes metálicos de celosía, illadores de vidro temperado en cadea.

Termos municipais: a liña de 132 kV atravesa dúas provincias: A Coruña e Lugo, así na provincia da Coruña afecta o termo municipal das Pontes de García Rodríguez (apoios 1 ata 6) e cunha lonxitude de 994 metros) e na provincia de Lugo, afecta a Muras (apoios 7 ata 21 e cunha lonxitude de 3.333 metros).

Orzamento: 46.618.047 ptas.

Afeccións derivadas da declaración de utilidade pública do proxecto:

a) Servidume de paso aérea de enerxía eléctrica que comprende desde o voo sobre o predio do servente ó establecemento de soportes coas limitacións descritas no artigo 56 da Lei 40/1994, do 30 de decembro.

b) Servidume da ocupación temporal durante o período de execución das obras, onde se eliminaría todo obstáculo que poida impedi-la montaxe das torres e o tendido dos cables, con pagamentos dos danos que se produzan en cada caso.

c) Dereito de paso de tres metros de largo segundo o eixe da liña e libre acceso ás instalacións do persoal e dos elementos necesarios para mellorar, manter, reparar e renova-las diferentes instalacións, con pagamento dos danos que se ocasionen en cada caso.

d) Mantemento de distancias de seguridade establecidas no Regulamento de liñas eléctricas aéreas de alta tensión en edificación e construccións futuras e masa forestal. Non obstante, en casos especiais e cando por razóns moi xustificadas non se poida observar todo o indicado, será necesario solicitar autorización á delegación provincial da Consellería de Industria e Comercio correspondente, a cal poderá concedela.

Todo o que se indica nos apartados anteriores non será de aplicación nos bens de dominio público.

O que se fai público para coñecemento xeral e especialmente dos propietarios e demais titulares

afectados que non chegaran a un acordo coas compañias promotoras eólicas beneficiarias, das que se insire a relación no anexo deste anuncio, así como as persoas que sendo titulares de dereitos reais ou intereses económicos sobre os bens afectados fosen omitidos, para que poidan examina-lo expediente no que constan as características e afeccións derivadas do proxecto nas oficinas da Delegación Provincial de Industria da Coruña, sita no edificio de servicios múltiples, 1ª planta, praza de Luis Seoane, s/n, e a Delegación Provincial de Industria de Lugo, sita na Ronda da Muralla, 70, e presenta-las alegacións que sexan oportunas, por triplicado, nun prazo de trinta días, contados a partir da publicación deste anuncio.

Santiago de Compostela, 7 de outubro de 1997.

Joaquín del Moral Crespo

Director xeral de Industria

Lista concreta e individualizada dos bens

e dereitos afectados

Abreviaturas empregadas:

* Datos catastrais:

PN=predio número. TE=titular e enderezo. LU=lugar.

* Afeccións:

A=afección. AP=apoio. V=voo. CT=clase terreo. MB=monte baixo. AR=arboreda. PR=prado. EU=eucalipto. LAB=labrado. XU=xuncos. VI=viña. PI=piñeiros. FR=froiteira. MA=monte alto. CAR=carballo.

L.A.T: 132 kV Sub. Bustelo-Sub. Muras I.

Provincia de Lugo.

Temo municipal de Muras.

L.A.T. 132kV Sub. Bustelo-Sub. Muras I

Provincia da Coruña.

Termo municipal das Pontes de García Rodríguez

PN=0TE=José Vázquez Suárez, urbanización Los Arces, s/n-Cabanas-A Coruña. LU=Cabeceira. A. AP=1, 2, 3, 4, 5 e 6, V=18160 m. CT=Pasteiro

8282