Visto o expediente para outorgamento de autorización administrativa, declaración de utilidade pública e aprobación do proxecto de execución da instalación eléctrica que a continuación se cita:
Solicitante: Parque Eólico da Barbanza, S.A.
Domicilio social: Avda. de Buros, 8-B, planta 18, 28000 Madrid.
Denominación: liña de 66 kV do parque eólico da Barbanza.
Situación: Porto do Son.
Descricións técnicas: liña aérea a 66 kV con orixe na subestación do parque eólico da Barbanza propiedade da sociedade e final na subestación de Porto do Son, propiedade de Unión Eléctrica-Fenosa, S.A., cunha lonxitude de 6.950 m e percorrido polo concello de Porto do Son.
Cumpridos os trámites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial, resolve,
Autorizar, declarar de utilidade pública e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.
A Coruña, 29 de setembro de 1997.
Juan Ignacio Lizaur Otero
Delegado provincial da Coruña
8077