Dentro das actividades que realiza a EGAP en 1997 e conforme as funcións atribuídas pola Lei 4/1987, do 27 de maio, de creación da escola, e pola Lei 10/1989, do 10 de xullo, de modificación da anterior, convócanse unhas xornadas sobre medio ambiente e saúde que deberán desenvolverse segundo as seguintes bases:
1. Obxectivos.
Integración da dimensión ambiental na formación dos responsables políticos e técnicos da Administración local e autonómica que desenvolvan a súa actividade nas áreas de medio ambiente e saúde, co fin de contribuir á mellora da xestión ambiental e a protección do medio ambiente e da saúde.
2. Destinatarios.
Fundamentalmente, responsables políticos e técnicos da Administración local o autonómica, así como profesionais libres que desenvolvan a súa actividade nas áreas obxecto de estudio.
3. Desenvolvemento.
-Duración: 12 horas.
-Horario:
* 1ª sesión: de 16.30 a 20.30 horas.
* 2ª sesión: de 10 a 14 horas e de 16.30 a 20.30 horas.
-Lugares e datas:
-A Coruña: 13 e 14 de novembro.
-Ourense: 17 e 18 de novembro.
-Lugo: 1 e 2 de decembro.
-Pontevedra: 3 e 4 de decembro.
4. Prazo.
O prazo de inscrición rematará segundo as localidades:
-Na Coruña: o día 10 de novembro ás 14 horas.
-En Ourense: o día 12 de novembro ás 14 horas.
-En Lugo: o día 26 de novembro ás 14 horas.
-En Pontevedra: o día 1 de decembro ás 14 horas.
5. Tramitación de solicitudes.
As solicitudes irán dirixidas ó director da Escola Galega de Administración Pública, polígono das Fontiñas, r/ Madrid 2-4, 15707 Santiago de Compostela, segundo o modelo que figura como anexo a esta convocatoria, e presentaranse no rexistro xeral da EGAP, ou por calquera das formas previstas no artigo 38.4º da Lei 30/1992, do 26 de novembro, de réxime xurídico das administracións públicas e
do procedemento administrativo común. Admitiranse tamén inscricións por telefax: (981) 54 63 37.
6. Número de prazas.
Limitado á capacidade dos locais.
7. Inscrición fóra de prazo.
Só se admitirán se quedasen prazas baleiras e sempre que se cumpran os requisitos xerais antes indicados.
8. Modificacións.
A EGAP reserva para si a facultade de interpretar e resolve-las incidencias que puidesen xurdir no desenvolvemento das xornadas así como a de cancelalas se o escaso número de solicitudes non xustificase a súa realización.
9. Certificado de asistencia.
Outorgaráselles certificado de asistencia ós alumnos que participen con regularidade nas xornadas programadas cando a súa inasistencia non sexa igual ou superior ó 15% das horas lectivas programadas.
A superación deste límite, sexa cal sexa a causa, imposibilitará a expedición do certificado e dará lugar á baixa con perda de tódolos dereitos.
10. Profesorado.
Estará integrado por expertos nos sectores de medio ambiente e saúde pertencentes á Administración autonómica e a empresa, e por profesores das universidades galegas.
11. Contido.
Ruído ambiental e saúde. Contaminación atmosférica. Abastecemento hídrico e saneamento. Contaminación das augas. Residuos sólidos urbanos. Instrumentos de xestión ambiental. Conservación do medio ambiente natural. Competencias municipais en materia de medio ambiente: lexislación actual. Protección e conservación do medio natural galego.
Santiago de Compostela, 20 de outubro de 1997.
Domingo Bello Janeiro
Director da Escola Galega de Administración Pública
8234