Declarada de urxente a instalación da liña aérea de transporte de enerxía eléctrica a 132 kV, con orixe na subestación do parque eólico de Coriscada, derivación á subestación do parque eólico do Vicedo, e remate no apoio nº 11 da liña subestación de Coriscada-Subestación Magazos, discorrendo polos termos municipais de Ortigueira e Mañón, no seu percorrido pola provincia da Coruña (expediente 31/1997), por resolución da Dirección Xeral de Industria de data 5 de agosto de 1997, para efectos de expropiación forzosa e imposición de servidumes de paso a prol das entidades Eurovento, S.L. Unipersonal, con enderezo social na r/ Galeras, 17-3º, oficina 3, Santiago de Compostela, e Gamesa, con enderezo social en Portal de Gamarra, nº 40, Vitoria (Álava); enderezo para efectos de notificación Avda. do Cruceiro da Coruña, nº 201-A, 15705 Santiago de Compostela.

En cumprimento dos artigos 52 da Lei de expropiación forzosa, do 16 de decembro de 1954, e 56 do seu Regulamento, do 26 de abril de 1957, faise saber ós interesados propostos como titulares dos predios que se conteñen na relación anexa, que o representante e o perito da Administración se constituirán o día 21 de novembro de 1997, nos predios números 261, 263-A, 263-C, 266, 270, 273 e 276, a partir das 11 horas, e nos predios números 279, 282, 289, 293, 298-B, 301, 305, 311 e 316, a partir das 12 horas, para a toma de datos e levantar a continuación nas oficinas da Casa do Concello de Mañón as actas previas á ocupación, nas que se describirán os bens e dereitos afectados por expropiación ou servidumes.

Advírtese ós interesados, ós que se lles practicará notificación para o efecto, que deben concorrer ó acto por si ou persoas que os representen, e se así o estiman cos seus peritos e un notario pola súa conta, podendo facer manifestacións nel e achegar datos que sexan útiles, e formular alegacións por escrito ata o citado levantamento, para os únicos efectos de emendar posibles erros da relación.

Esta publicación realízase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación; e así dirixir ó Ministerio Fiscal as dilixencias que se produzan destes, de conformidade co artigo 5 da citada Lei de expropiación forzosa.

A Coruña, 14 de outubro de 1997.

Juan Ignacio Lizaur Otero

Delegado provincial da Coruña

Relación de propietarios, bens e dereitos afectados

Expediente nº: 31/1997Provincia: A Coruña

Liña L.A.T. 132 kV Magazos-Vicedo-CoriscadaConcello: Mañón

ApoioVoo

NºParaxeCultivoNome e apelidosDomicilionºmmlm

7900