Visto o expediente para outorgamento de autorización administrativa e aprobación do proxecto de execución da instalación eléctrica que se cita:
Solicitante: Unión Eléctrica-Fenosa, S.A.
Enderezo social: Severo Ochoa, 2, 15000 A Coruña.
Denominación: modificado 1 da L.M.T. a C.T. Monte Aberto.
Situación: concello da Coruña.
Descricións técnicas: modificado 1 para separar do vertedoiro de Bens a L.M.T. actual ó C.T. Monte Aberto que consiste en L.M.T. aérea a 15/20 kV de 853 m de lonxitude que parte do C.T. denominado Caotén e final no apoio número 8 da actual ó C.T. Monte Aberto, Concello da Coruña.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.
A Coruña, 26 de agosto de 1997.
Juan Ignacio Lizaur Otero
Delegado provincial da Coruña
7913