O Consello da Xerencia Municipal de Urbanismo do Concello de Vigo, en sesión celebrada o día 5 de setembro de 1997, acordou aprobar inicialmente o estudio de detalle para completa-las aliñacións e rasantes do vial de servicio transversais na Avda. Alcalde Antela na parroquia de Lavadores, conforme a documentación presentada por Peregrina Costas Silva e elaborada polo arquitecto Martínez Díaz, visada polo COAG os días 26 de novembro de 1996 e 20 de marzo de 1997.

Sométese a información pública polo prazo dun mes, mediante inserción de anuncios no DOG, e un xornal dos de maior circulación da provincia e taboleiro de anuncios da Casa do Concello.

O prazo de exposición ó público se entenderá aberto desde a primeira publicación ata o remate do mes contado desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público, planta baixa da Casa do Concello.

O presente anuncio servirá de notificación, nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que por resultaren descoñecidos ou ignorando o seu enderezo non poidan ser notificados persoalmente.

Vigo, 26 de setembro de 1997.

Manuel Pérez Álvarez

Alcalde-presidente

7744