Examinado o expediente incoado pola titularidade do centro privado La Milagrosa de Santiago de Compostela (A Coruña) en solicitude de cesamento de actividades no dito centro,
Resultando que o antedito centro privado obtivo, por Orde do 7 de xaneiro de 1992, a autorización para tres unidades de preescolar; e por Orde do 6 de marzo de 1980, a autorización provisional para cinco unidades de educación xeral básica,
Resultando que o expediente foi tramitado regulamentariamente pola Delegación Provincial de Educación e Ordenación Universitaria da Coruña,
Resultando que a devandita delegación provincial elevou proposta favorable sobre a referida petición, xuntando o preceptivo informe, así mesmo favorable, da Inspección de Educación,
Visto o Decreto 133/1995, do 10 de maio, que regula as autorizacións de cesamento de actividades (DOG do 22), e a Orde do 20 de setembro de 1995 (DOG do 15 de decembro), polo que se desenvolve o antedito decreto,
Esta consellería dispón:
Autorizar, de acordo cos informes emitidos, o cesamento de actividades do centro privado de educación infantil que se relaciona no anexo da presente orde, quedando nulas e sen ningún efecto as disposicións que autorizan o funcionamento legal do devandito centro.
Santiago de Compostela, 8 de setembro de 1997.
Celso Currás Fernández
Conselleiro de Educación e Ordenación
Universitaria
ANEXO
Provincia da Coruña
Concello: A Coruña.
Localidade: Santiago de Compostela.
Enderezo: praza Santo Domingo, 3.
Denominación: La Milagrosa.
Titular: Hijas de la Caridad.
Autorización do cesamento de actividades do centro.
7447