O organismo autónomo Augas de Galicia procede, ó abeiro do artigo 132 do Real decreto 849/1986, do 11 de abril, polo que se aproba o regulamento do dominio público hidráulico, a someter a publi

cidade o anuncio polo que se saca a concurso público a explotación e utilización con fins hidroeléctricos do encoro de Caldas de Reis no río Umia co obxecto de que se poidan presentar á devandita licitación os peticionarios que o consideran oportuno.

De acordo co parágrafo 1 do artigo 134 do Real decreto 849/1986 fíxase un prazo de tres meses, contados desde a data de publicación deste anuncio no Boletín Oficial del Estado, para a presentación de anteproxectos e propostas sobre as condicións previas e demais extremos sobre os que versa o concurso de explotación e que se fixan no prego de bases, que estará á disposición dos interesados nos servicios centrais de Augas de Galicia en Santiago de Compostela -edificios administrativos San Caetano-A Coruña.

Os anteproxectos tramitaranse conforme os artigos 132 e seguintes do Real decreto 849/1986 e presentaranse debidamente precintados xunto coas solicitudes pechadas e lacradas no rexistro da Consellería de Política Territorial, Obras Públicas e Vivenda (CPTOPV) en Santiago de Compostela, realizándose a celebración do correspondente desprecintado e apertura nas oficinas deste organismo situado na CPTOPV en Santiago de Compostela ás doce horas do décimo día natural, que non coincida en sábado, contado a partir do último día de presentación de proposicións.

Santiago de Compostela, 15 de outubro de 1997.

Emilio García Gallego

Presidente do organismo autónomo

Augas de Galicia

8002