A Comisión de Goberno, en sesión do 29 de setembro de 1997, aprobou inicialmente un estudio de detalle da parcela nº 34 do PERI de Concheiros-Cotaredo-San Lázaro (rúa As Fontiñas), promovido por Urbigal Uno, S.L.
A aprobación inicial do estudio de detalle determina, por aplicación do disposto no artigo 34.2º da Lei do solo de Galicia, a suspensión do outorgamento de licencias para os usos e obras que resultan incompatibles coa ordenación proxectada, no ámbito do citado estudio de detalle, que se describe de seguido:
Parcela sen edificar situada na marxe sur-leste da rúa das Fontiñas (fronte ós números 19-31 da devandita rúa).
O expediente exponse ó público no Negociado de Planeamento e Xestión polo prazo dun mes, contado desde a publicación deste anuncio no Diario Oficial de Galicia, co obxecto de que os interesados poidan presenta-las alegacións que xulguen oportunas.
Santiago de Compostela, 14 de outubro de 1997.
O alcalde
Rubricado