A Comisión de Goberno, en sesión ordinaria celebrada o vintedous de setembro de mil novecentos noventa e sete, acordou prestar aprobación definitiva ó proxecto de apertura e urbanización do primeiro tramo da Rúa do Cordón e proxecto complementario da rede de sumidoiros no Camiño da Santiña, que anula as determinacións de evacuación de augas residuais daquel, promovido mediante iniciativa particular por Promociones Abasot, S.L., e redactados polo enxeñeiro de camiños, canles e portos Eloy Fernández-Valdés Martínez-Estéllez, visados polo
Colexio Oficial de Enxeñeiros de Camiños, Canles e Portos de Galicia, respectivamente, os días 5-12-1995 e 23-4-1997; desestimáronse as alegacións formuladas durante a información pública do proxecto, por canto, de conformidade co informe do enxeñeiro xefe dos Servicios Técnicos Municipais, coa resolución prevista no proxecto evitarase a actual situación de desbordamento da rede de sumidoiros da Rúa da Santiña.
O que se fai público para a súa executividade e sublíñase que contra este acordo, que esgota a vía administrativa, poderá interpoñerse recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia no prazo de dous meses computados a partir do día seguinte a esta publicación, logo de comunicación ó órgano que dictou o acto impugnado, e isto sen prexuízo de que se poida exercer, se é o caso, calquera outro recurso que se considere procedente.
Pontevedra, 1 de outubro de 1997.
Juan Luis Pedrosa Fernández
Alcalde
Julio Dapena Outomuro
Secretario xeral