1. Director administrativo.
Formación: titulado superior en economía, dereito, enxeñería...
Requírese experiencia na área de recursos humanos, e mesmo na área económico-administrativa de hospital, empresa ou fundación.
2. Coordinación asistencial.
Formación: titulado superior ou medio en ciencias da saúde.
Requírese experiencia no ámbito asistencial e tamén na área de dirección hospitalaria, así como na dirección de equipos de traballo.
Os interesados deberán enviar currículum vitae completo, debidamente xustificado, ó apartado de correos nº 2246 de Santiago de Compostela, dirixido ó presidente do padroado, no prazo máximo de dez días naturais, contados desde a publicación deste acordo, con indicación do posto ó que se opta.
Ribeira, 6 de outubro de 1997.
Ignacio Martínez González
Presidente do Padroado da Fundación Hospital Comarcal A Barbanza