A Dirección Xerencia do Complexo Hospitalario Xeral-Calde de Lugo, en virtude das atribucións que lle foron delegadas conforme o establecido no apartado i) do artigo 7º da Orde do 22 de maio de 1996 (DOG nº 111, do 6 de xuño), convoca expediente de contratación, polo procedemento aberto e tramitación urxente, mediante concurso, da subministración dun ecógrafo para exploracións xinecolóxicas e de equipamento diverso para Oftalmoloxía.

Obxecto e orzamento: a subministración dun ecógrafo para exploracións xinecolóxicas (lote nº 1) por un orzamento máximo de 4.200.000 ptas. (IVE incluído) e de equipamento diverso para Oftalmoloxía (lote nº 2), por un orzamento máximo de 4.400.000 ptas. (IVE incluído).

Prazo de entrega: o material obxecto do presente concurso público deberá ser entregado no prazo dun mes, contado a partir da data de notificación da adxudicación.

Documentos de interese para os licitadores: o prego de cláusulas administrativas particulares e demais documentación complementaria pode ser solicitada no Servicio de Subministracións do Complexo Hospitalario Xeral-Calde de Lugo, rúa Doutor Severo Ochoa s/n. Tfno. (982) 29 65 52 e fax (982) 21 29 24.

Fianzas: deberá consignarse unha fianza provisional do 2% do orzamento de licitación, por un importe de oitenta e catro mil pesetas (84.000 ptas.) para o lote nº 1 e oitenta e oito mil pesetas (88.000 ptas.) para o lote nº 2, e unha fianza definitiva do 4% do orzamento.

As devanditas fianzas constituiranse segundo o disposto nos artigos 36 e 37 da Lei 13/1995, do 18 de maio, de contratos das administracións públicas.

Solvencia económica e financeira: acreditarase por un ou varios dos medios establecidos no artigo 16 da Lei 13/1995, do 18 de maio, de contratos das administracións públicas.

Solvencia técnica: acreditarase por un ou varios dos medios establecidos no artigo 18 da Lei 13/1995, do 18 de maio, de contratos das administracións públicas.

Clasificación: non se precisa.

Criterios de adxudicación:

-Prezo: ata 5 puntos.

-Calidade: ata 4 puntos.

-Prazo de entrega: ata 3 puntos.

Admisión de variantes: non se admiten variantes.

Presentación de proposicións: as proposicións deberanse presentar en man, en sobre pechados e asinados polo licitador ou persoa que o represente, no rexistro do Complexo Hospitalario Xeral-Calde de Lugo antes das 14 horas do décimo terceiro día natural contado a partir do seguinte ó da publicación no DOG. Cando a proposición se envíe por correo, o licitador deberá xustifica-la data de imposición do envío na oficina de correos e anunciarlle ó Complexo Hospitalario Xeral-Calde a remisión da oferta mediante fax ou telegrama no mesmo día.

Apertura de proposicións: a apertura de proposicións admitidas será realizada pola mesa de contratación, reunida en acto público na sala de xuntas do Complexo Hospitalario Xeral-Calde de Lugo ás 10 horas do décimo primeiro día natural contado a partir do seguinte a aquel no que remate o prazo de presentación de ofertas. No caso de que o devandito día coincida en sábado ou festivo, a apertura das proposicións terá lugar o día hábil seguinte.

Documentación que deberán achega-los licitadores: os documentos que figuran no prego de cláusulas administrativas particulares.

Anuncios: os anuncios do presente concurso público serán por conta dos adxudicatarios do contrato.

Lugo, 29 de setembro de 1997.

Luis E. Vicente Sánchez

Director xerente do Complexo Hospitalario Xeral-Calde de Lugo

97-7730