Visto o expediente instruído por instancia de Lorena Mª Alonso Real, na súa calidade de representante legal da entidade mercantil Viajes Internacional Expreso, S.A., en solicitude da autorización de apertura dun novo establecemento, na rúa Salvador Moreno, 14, de Pontevedra, da axencia de viaxes Viajes Internacional Expreso, S.A., do grupo maiorista-minorista, co código identificativo C.I.C. MA nº 19, que ten a súa casa central en Madrid, na rúa San Bernardo, 5 e 7.

Resultando que o interesado xunto coa solicitude acompañou toda a documentación á que fai referencia o artigo 10 do Regulamento das axencias de viaxes de Galicia, aprobado mediante o Decreto 155/1989, do 22 de xuño.

Resultando que na tramitación do expediente observáronse tódolos requisitos e formalidades establecidas regulamentariamente.

Considerando que na empresa solicitante e no novo establecemento da axencia de viaxes, concorren tódalas condicións esixidas polo mencionado regulamento para a obtención da súa autorización.

Vistos o Real decreto 2086/1983, do 1 de setembro, de traspaso de funcións e servicios do Estado á Comunidade Autónoma de Galicia en materia de turismo, a Lei 1/1983, do 22 de febreiro, reguladora da Xunta de Galicia e do seu presidente, o Decreto 155/1989, do 22 de xuño, polo que se aproba o Regulamento das axencias de viaxes de Galicia, e a Orde do 4 de outubro de 1995 da Consellería da Presidencia e Administración Pública, pola que

se delega no secretario xeral para o Turismo a competencia para autorizar-los novos establecementos das axencias de viaxes xa autorizadas, esta Secretaría Xeral para o Turismo,

RESOLVE:

Autoriza-la axencia de viaxes Viajes Internacional Expreso, S.A., sita en Madrid, na rúa San Bernando, 5 e 7, da que é titular a entidade mercantil Viajes Internacional Expreso, S.A., a apertura dun novo establecemento na rúa Salvador Moreno, 14, de Pontevedra, que será inscrito no Rexistro de Empresas e Actividades Turísticas da Comunidade Autónoma galega.

Contra esta resolución, o interesado poderá interpoñer recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ó da súa publicación no Diario Oficial de Galicia.

Santiago de Compostela, 6 de novembro de 1996.

P.D. (Orde 4-10-1995)

Rubén Víctor Lois Calviño

Secretario xeral para o Turismo

7035