Existindo prazas de adscrición indistinta ós grupos C e D das escalas de funcionarios da Universidade

de Santiago de Compostela, ocupadas por funcionarios pertencentes á escala D, co fin de facilita-la promoción do persoal aínda mantendo os seus propios postos de traballo, de acordo co artigo 22 da Lei 30/1984, do 2 de agosto, e o Real decreto 364/1995, do 10 de marzo, e de conformidade cos acordos adoptados coa Xunta de Persoal Funcionario, e en cumprimento do disposto nos estatutos desta universidade, aprobados polo Decreto 204/1985, do 19 de setembro, da Xunta de Galicia, e co fin de atende-las necesidades de persoal de Administración e servicios.

Este rectorado, no uso das atribucións conferidas polo artigo 18 da Lei de reforma universitaria en relación co artigo 3.2. e) da mesma norma, así como nos estatutos desta universidade, acorda convocar probas selectivas para ingreso na escala administrativa da Universidade de Santiago de Compostela, con suxeición ás seguintes

BASES DA CONVOCATORIA

1. Normas xerais.

1.1. Convócanse probas selectivas para cubrir 50 prazas da escala administrativa da Universidade de Santiago de Compostela polo sistema de promoción interna, polo procedemento de concurso-oposición.

1.2. A presente convocatoria non xerará prazas vacantes no corpo ou escala auxiliar da que proceden os aspirantes.

1.3. As prazas convocadas terán o seu destino nas localidades de Santiago de Compostela e Lugo.

1.4. Para a realización destas probas selectivas aplicarase a Lei 30/1984, do 2 de agosto, de medidas para a reforma da función pública, modificada pola Lei 23/1988, do 28 de xullo, o Real decreto 364/1995, do 10 de marzo, polo que se aproba o Regulamento xeral de ingreso do persoal ó servicio da Administración xeral do Estado e de provisión de postos de traballo e promoción profesional dos funcionarios civís da Administración xeral do Estado, a Lei 4/1988, do 26 de maio, da función pública de Galicia, modificada polas leis 4/1991, 3/1995, do 10 de abril, o Decreto 95/1991, do 20 de marzo, os estatutos da Universidade de Santiago de Compostela e as bases desta convocatoria.

1.5. O procedemento de selección será o de concurso-oposición. No que se refire ás probas e valoración axustarase ó que se especifica no anexo I.

1.6. Na fase de concurso, valoraranse para os aspirantes que superen a fase de oposición os seguintes méritos: antigüidade, nivel de complemento de destino do posto desempeñado na data de publicación da convocatoria, e cursos de formación, todo isto de acordo co que se especifica no anexo I.

1.7. O programa que rexerá para a fase de oposición é o que figura no anexo II desta convocatoria.

2. Requisitos dos candidatos.

2.1. Para seren admitidos á realización das probas selectivas, os/as aspirantes deberán reuni-los seguintes requisitos:

a) Ser español ou posuí-la condición de nacional dun Estado membro da Comunidade Europea.

b) Ter cumpridos os 18 anos.

c) Estar en posesión do título de bacharel superior, formación profesional de segundo grao, ou equivalente. Así mesmo, considéranse equivalentes para efectos da presente convocatoria:

Ter aprobadas as probas de acceso á universidade para maiores de vintecinco anos ou en condicións de obte-lo certificado correspondente na data na que remate o prazo de presentación de solicitudes.

De conformidade co establecido polo Regulamento de selección e provisión, Real decreto 364/1995, do 10 de marzo, na súa disposición adicional novena, ter unha antigüidade de 10 anos nun corpo ou escala do grupo D, ou ter unha antigüidade de cinco anos e a superación dun curso específico de formación.

d) Pertencer, o día de remate do prazo de presentación de solicitudes, a un corpo ou escala adscrito ó grupo D, (Art. 25 Lei 30/1984), ter destino definitivo na Universidade de Santiago de Compostela e posuír unha antigüidade de, polo menos, 2 anos no devandito corpo ou escala.

Non estar separado mediante expediente disciplinario do servicio de calquera Administración pública, nin estar inhabilitado para o desempeño de funcións públicas.

2.2. Tódolos requisitos enumerados nos apartados anteriores deberán posuírse no día do remate do prazo de presentación de solicitudes, e manterse ata a data da toma de posesión como funcionario de carreira do grupo C.

3. Solicitudes.

3.1. Os/as que desexen tomar parte nestas probas selectivas deberán facelo constar en instancia que se axustará ó modelo que figura como anexo IV desta convocatoria. A instancia deberá ir acompañada da seguinte documentación: fotocopia do DNI.

A xerencia expedirá de oficio, certificación que acreditará: a antigüidade recoñecida referida á data de remate de presentación de solicitudes, o nivel de complemento de destino do posto que se desempeñe na referida data e os cursos de formación recibidos ou impartidos que figuren no expediente persoal. A citada certificación engadiráselle á solicitude presentada polo/a aspirante.

3.2. As solicitudes dirixiranse ó rector da Universidade de Santiago, no prazo de 20 días naturais contados a partir do seguinte ó do anuncio desta convocatoria no Boletín Oficial del Estado.

3.3. A presentación de solicitudes farase no rexistro xeral da Universidade de Santiago de Compostela, sito no Pazo de San Xerome, Praza do Obradoiro, Santiago de Compostela; no rexistro do Campus de Lugo, sito na Vicexerencia, Augas Férreas, polígono de Fingoi, Lugo; ou nas restantes formas previstas no artigo 38 da Lei 30/1992, do 26 de novembro.

3.4. Os dereitos de exame serán de 3.000 pesetas, que se ingresarán en Caixa Galicia na conta de oposicións número: 2091-0388-90-3110000646. Para realiza-lo ingreso deberá utilizarse por triplicado o modelo de solicitude que figura no anexo IV.

3.5. Os/as aspirantes con minusvalideces poderán indicalo na solicitude, utilizando para isto o recadro número 4, así como solicita-la adaptación de tempo e medios para a realización dos exercicios, para o que utilizarán o recadro número 6.

4. Admisión de aspirantes.

4.1. Rematado o prazo de presentación de solicitudes, o rectorado da Universidade de Santiago de Compostela publicará no taboleiro de anuncios do rectorado resolución pola que se aproba a lista provisional de aspirantes admitidos e excluídos, na que constará o nome e apelidos dos excluídos, o número de DNI, así como a causa que motivou a exclusión. Para emenda-lo defecto que teña motivado a súa exclusión ou omisión, da relación de admitidos e excluídos, os/as aspirantes disporán dun prazo de 10 días naturais, contados a partir do seguinte ó da publicación da citada resolución.

4.2. Os/as aspirantes que, dentro do prazo sinalado, non emenden a exclusión ou aleguen a omisión, xustificando o dereito a seren incluídos na relación de admitidos, serán definitivamente excluídos da realización das probas.

4.3. Unicamente procederá a devolución dos dereitos de exame ós/ás aspirantes que sexan excluídos definitivamente destas probas selectivas e para tal efecto o reintegro realizarase de oficio, para o que terán que facer consta-la entidade bancaria e o número de conta no recadro que para tal efecto figura na solicitude. De non figuraren estes datos, entenderase que renuncia á devolución dos dereitos de exame.

5. Tribunal cualificador.

5.1. O tribunal cualificador destas probas é o que figura como anexo III a esta convocatoria e terá a categoría terceira das recollidas no Real decreto 236/1988, do 4 de marzo (BOE do 19 de marzo) e o Decreto 299/1990, do 24 de maio (DOG do 1 de xuño).

5.2. Os/as membros do tribunal deberán absterse de intervir, notificándollo ó rector da universidade, cando concorran neles circunstancias das previstas nos artígos 28 e 29 da Lei 30/1992, do 26 de novembro, ou se realizasen tarefas de preparación de aspirantes a probas selectivas de acceso a corpos ou escalas nos cinco anos anteriores ó da publicación desta convocatoria.

O presidente poderá solicitar dos membros do tribunal declaración escrita expresa de non estar incurso nas circunstancias previstas nos ditos artigos.

Así mesmo, os/as aspirantes poderán recusar ós/as membros do tribunal cando concorran algunha das circunstancias antes reflectidas.

5.3. Con anterioridade á iniciación das probas selectivas, a autoridade convocante publicará no

Diario Oficial de Galicia resolución pola que nomean os/as novos/as membros do tribunal que vaian substituí-los que teñan perdida a súa condición por algunha das causas previstas na base 5.2.

5.4. Logo da convocatoria do presidente, constituirase o tribunal, coa asistencia da maioría absoluta dos seus membros, titulares ou suplentes. Na dita sesión, o tribunal acordará tódalas decisións que lle correspondan de acordo co correcto desenvolvemento das probas selectivas.

5.5. A partir da súa constitución, o tribunal, para actuar validamente, requirirá a presencia da maioría absoluta dos seus membros, titulares ou suplentes.

5.6. Dentro da fase de oposición, o tribunal resolverá tódalas dúbidas que puidesen xurdir na aplicación destas normas así como o que se deberá facer nos casos non previstos.

O procedemento de actuación do tribunal axustarase en todo momento ó disposto na Lei 30/1992, do 26 de novembro.

5.7. O tribunal poderá dispoñe-la incorporación ós seus traballos de asesores especialistas para as probas correspondentes ós exercicios que coide pertinentes, limitándose os ditos asesores a presta-la súa colaboración nas súas especialidades técnicas.

5.8. O tribunal adoptará os medios precisos naqueles casos nos que resulte necesario, de forma que os/as aspirantes con minusvalideces gocen de similares condicións para a realización dos exercicios ó resto dos/as participantes. Neste sentido, establecerase para as persoas con minusvalideces que o soliciten na forma prevista na base 3.5 as adaptacións posibles en tempos e medios para a realización dos exercicios.

5.9. O presidente do tribunal adoptará as medidas oportunas para garantir que os exercicios escritos sexan corrixidos sen que se coñeza a identidade dos/as aspirantes. O tribunal excluirá aqueles/as opositores que consignen o seu nome nas follas de exame, trazos, marcas ou signos que permitan coñece-la súa identidade.

5.10. Para os efectos de comunicacións e demais incidencias, o tribunal terá a súa sede no rectorado da Universidade de Santiago de Compostela.

5.11. En ningún caso o tribunal poderá aprobar nin declarar que superaron as probas selectivas un número superior de aspirantes ó de prazas convocadas. Calquera proposta de aprobados que contraveña o establecido será nula de pleno dereito.

6. Desenvolvemento dos exercicios.

6.1. A orde de actuación dos opositores iniciarase alfabeticamente polo primeiro da letra H, de conformidade co establecido na Resolución do 16 de maio de 1997, da Dirección Xeral da Función Pública.

6.2. En calquera momento os/as aspirantes poderán ser requiridos polo tribunal coa finalidade de acredita-la súa identidade.

6.3. Os/as aspirantes serán convocados para cada exercicio en único chamamento, sendo excluídos da

oposición os/as que non comparezan, agás nos casos de forza maior, debidamente xustificados e considerados polo tribunal.

6.4. O día, hora e lugar de realización do primeiro exercicio faranse públicos na resolución que aprobe a relación definitiva de aspirantes admitidos e excluídos.

6.5. A publicación dos sucesivos anuncios de celebración do segundo e restantes exercicios será efectuada polo tribunal nos locais onde se efectuase o primeiro, así como na sede dos tribunais, e por calquera outro medio que se xulga conveniente para facilita-la súa máxima divulgación, con vintecatro horas, polo menos, de antelación á sinalada para a súa iniciación.

6.6. En calquera momento do proceso selectivo, se o tribunal tivese coñecemento de que algún dos/as aspirantes carece dos requisitos esixidos pola presente convocatoria, logo de audiencia ó/á interesado/a, deberá propoñe-la súa exclusión ó rector da universidade, comunicándolle, así mesmo, as inexactitudes ou falsidades formuladas polo/a aspirante na solicitude de admisión ás probas selectivas para os efectos procedentes.

Contra a exclusión do aspirante, poderá interporse recurso perante a mesma autoridade indicada no parágrafo anterior, no prazo dun mes contado a partir da notificación da súa exclusión.

7. Lista de aprobados.

7.1. Concluído cada un dos exercicios da fase de oposición o tribunal cualificador fará públicos, no lugar ou lugares de celebración dos respectivos exercicios e naqueloutros que coide oportunos as relacións de aspirantes que teñan superado cada un deles, con indicación da puntuación obtida e do documento nacional de identidade.

7.2. A lista coa valoración de méritos da fase de concurso farase pública unha vez celebrado o último exercicio da fase de oposición.

7.3. A cualificación final realizarase de acordo co previsto no anexo I da presente convocatoria.

7.4. O tribunal fará pública a lista de aspirantes que, segundo a orde da puntuación acadada por cada un deles, fosen seleccionados, a cal en ningún caso poderá contar cun número de candidatos/as superior ó das prazas convocadas.

7.5. Rematado o proceso selectivo, o tribunal elevaralle ó rector a relación definitiva de aspirantes aprobados por orde de puntuación, na que constarán as cualificacións obtidas en cada unha das fases: oposición e concurso.

8. Presentación de documentos.

8.1. No prazo de 20 días naturais a partir do día seguinte a aquel no que se fixesen públicas as relacións definitivas de aprobados no rectorado da universidade, os/as aspirantes que figuren nelas deberán presentar no Servicio de PAS (Casa da Balconada, rúa Nova de Abaixo, 6 de Santiago de Compostela) a documentación necesaria para proceder

ó nomeamento como funcionario da escala administrativa que non se atope suficientemente acreditada no seu expediente:

8.2. Ante a imposibilidade, debidamente xustificada, de presenta-los documentos expresados na base anterior, poderá acreditarse que se reúnen as condicións esixidas na convocatoria mediante calquera medio de proba admitido en dereito.

8.3. Quen dentro do prazo fixado, e salvo o caso de forza maior, non presentase a documentación ou do seu exame se deducise que carece dalgún dos requisitos sinalados na base 2, non poderá ser nomeado funcionario/a de carreira e quedarán anuladas as súas actuacións, sen prexuízo da responsabilidade en que incorrese por falsidade na solicitude inicial.

9. Nomeamento de funcionarios/as de carreira.

9.1. Concluído o proceso selectivo, os/as que o superasen serán nomeados/as funcionarios/as de carreira con especificación do destino adxudicado, mediante resolución do rectorado da universidade que se publicará no Diario Oficial de Galicia.

9.2. Dadas as peculiaridades deste proceso de promoción interna, este exclúese do sistema de adxudicación de destino pola orde obtida no proceso selectivo. Ós aspirantes que superen o concurso-oposición adxudicaráselle-lo mesmo posto que veñan desempeñando como titulares, e terá carácter definitivo se o posto de traballo se atopa adscrito na vixente relación de postos á escala á que aspiran, e carácter provisional no caso de que non estea incluído na relación de postos de traballo nesa escala. Neste último suposto o destino consolidarase como definitivo no caso de que na próxima relación de postos o citado posto estea adscrito á escala á que accedeu.

Aqueles funcionarios que, en virtude do disposto no parágrafo anterior accedan a unha escala superior con carácter provisional e mentres permanezan nesa situación, percibirán o complemento de destino correspondente ó posto base da escala á que accedan, salvo que o posto que desempeñen teña asignado un nivel superior. O complemento específico será o correspondente ó posto de traballo realmente desempeñado segundo a relación de postos de traballo.

9.3. A toma de posesión destes aspirantes efectuarase no prazo dun mes, contado desde a data de publicación do seu nomeamento no Diario Oficial de Galicia.

10. Norma derradeira.

A presente convocatoria e cantos actos administrativos se deriven dela e da actuación do tribunal poderán ser impugnados, nos casos e nas formas establecidas pola Lei 30/1992, do 26 de novembro e poderá interporse contra a presente resolución recurso contencioso-administrativo no prazo de dous meses, conforme o disposto no artigo 58 da Lei de xurisdicción contencioso-administrativa, comunicando previamente a súa interposición neste rec

torado, segundo o artigo 110.3º da Lei 30/1992, do 26 de novembro.

Santiago de Compostela, 12 de setembro de 1997.

Darío Villanueva Prieto

Rector da Universidade de Santiago de Compostela

ANEXO I

DENOMINACIÓN DAS PRAZAS: ESCALA ADMINISTRATIVA

Exercicios e valoración

O procedemento de selección será o de concurso-oposición, que consta das seguintes fases:

1. Fase de oposición, que constará dos seguintes exercicios:

Primeiro exercicio: de carácter eliminatorio: proba escrita constituída por 110 preguntas tipo test, relativas a todo o temario, cunha soa resposta verdadeira e sen penaliza-las respostas erróneas. O tempo de realización deste exercicio será de 1 hora e 50 minutos.

Tódalas preguntas terán a mesma valoración, e non puntuarán negativamente.

Segundo exercicio: de carácter eliminatorio: un suposto práctico a elixir entre 3 propostos polo tribunal de calquera das áreas do temario. O suposto estará desagregado en preguntas. A duración das probas será de 1 hora.

1.1. Cada exercicio cualificarase cunha puntuación de 0 a 32,5 puntos sendo necesario para aprobar obter como mínimo 16,25 puntos.

1.2. Proba de galego: non eliminatoria e de mérito. Consistirá na traducción, sen diccionario, dun texto do castelán para o galego, e do galego para o castelán, elixido por sorteo entre tres propostos polo tribunal.

O tempo máximo de realización deste exercicio será dunha hora, e valorarase de 0 a 5 puntos.

2. Fase de concurso: para os/as aspirantes que superen a fase de oposición a valoración de méritos farase da seguinte forma:

2.1. Antigüidade: máximo 12,5 puntos.

Valorarase a antigüidade recoñecida referida á data de remate do prazo de presentación das solicitudes da seguinte forma:

Por cada ano completo de servicios: 0,625 puntos.

Por cada mes completo de servicios que reste: 0,052 puntos.

2.2. Nivel de complemento de destino: máximo 12,5 puntos. Polo nivel de complemento de destino correspondente ó posto de traballo que se desempeñe na data da publicación da convocatoria, de acordo coa seguinte puntuación:

NivelPuntos

2212,5

2010,5

NivelPuntos

18 8,5

16 6,5

14 4,5

Os postos das secretarías de departamentos que figuran co mesmo nivel cós postos base pero son singularizados, puntuarán 2 puntos a maiores.

2.3. Cursos de formación: máximo 5 puntos. Os cursos de formación puntuarán da seguinte forma:

-Cursos de formación recibidos:

Cursos de aptitude: 0,02 puntos/hora.

Cursos de asistencia: 0,01 puntos/hora.

Curso de inciación da lingua galega: 0,01 puntos/hora.

Curso de perfeccionamento lingua galega: 0,02 puntos/hora.

No caso de te-los cursos de iniciación e perfeccionamento de galego, só puntuará o de perfeccionamento.

Cursos de formación impartidos: 0,03 puntos/hora.

Nos cursos nos que non figure o número de horas, a puntuación farase polo mínimo de 10 horas.

3. Puntuación do proceso selectivo: a puntuación da fase de oposición virá determinada pola suma das puntuacións obtidas nos distintos exercicios. A puntuación do proceso selectivo virá determinada pola suma da fase de oposición, mailos méritos da fase de concurso, sempre que os/as aspirantes tivesen superada a fase de oposición.

No caso de empate daráselle preferencia atendendo á puntuación obtida no segundo exercicio e, de persistir este, a prol do/a candidato/a que tivese maior antigüidade no corpo ou escala á que pertenza na data de remate do prazo de presentación de solicitudes.

ANEXO II

DENOMINACIÓN DAS PRAZAS: ESCALA ADMINISTRATIVA

Programa

Dereito administrativo.

1. A Lei de réxime xurídico das administracións públicas e do procedemento administrativo común: concepto e ámbito de aplicación. Os órganos das administracións públicas: principios xerais e competencias. Os órganos colexiados. Das actividades das administracións públicas: dereitos dos cidadáns. O rexistro. A compulsa, o cotexo e a copia autorizada.

2. O acto administrativo: concepto, clases e elementos. Eficacia e validez. A súa motivación e notificación. A revisión, anulación e revogación.

3. O procedemento administrativo. Fases. Iniciación. Ordenación: tramitación, comunicación e notificación. Instrucción: informes, propostas de resolución e audiencia do interesado. Terminación: formas. O silencio administrativo. Especial referencia á certificación dos actos presuntos.

4. A revisión dos actos en vía administrativa. A revisión de oficio. Os recursos administrativos: principios xerais. O recurso ordinario. O recurso de revisión. A xurisidcción contencioso-administrativo. Actos impuganbles. Idea xeral do proceso.

5. Informática e dereito: a Lei orgánica de regulacio do tratamento automatizado de datos de carácter persoal. A axencia de protección de datos.

Xestión de persoal.

1. O persoal funcionario ó servicio das administracións públicas. Selección. Provisión de postos. Promoción profesional. Adquisición e perda da condición de funcionario. Os plans de emprego e as ofertas de emprego públicas. Reasignación de efectivos. Situacións dos funcionarios: supostos e efectos de cada unha delas. Especial referencia á expectativa de destino.

2. Réxime disciplinario do persoal funcionario e laboral. Clases de faltas. Responsabilidade disciplinaria. Sancións. Procedemento disciplinario.

3. O persoal laboral ó servicio das administracións públicas. Selección. Dereitos e deberes e incompatibilidades. O contrato laboral: duración, contido, suspensión e extinción. Os contratos de duración determinada: obra ou servicio, eventual e interinidade. A negociación colectiva.

4. O sistema español de Seguridade Social. Réxime xeral: continxencias cubertas. Concepto e clases de prestacións. Acción protectora: incapacidade laboral temporal, maternidade, invalidez permanente. Xubilación. Morte e supervivencia.

Xestión financeira.

1. O orzamento. Características e estructura. Créditos orzamentarios. Gastos plurianuais. Anulación de remanentes. Incorporación de créditos. Créditos extraordinarios e suplementos de crédito. Anticipos de tesourería. Créditos ampliables. Transferencias de crédito. Xeración de crédito.

2. Ordenación do gasto e ordenación do pagamento. Órganos competentes, fases do procedemento e documentos contables que interveñen.

3. Gastos: diferencia entre gastos correntes e investimentos. Pagamentos: concepto e clasificación. Pagamento por obrigas orzamentarias. Pagamentos en firme e para xustificar.

4. Sistema retributivo e indemnizacións do persoal funcionario e laboral. Conceptos retributivos. Elaboración das nóminas: altas e baixas. Devengos, descontos e retencións. Complementos persoais transitorios. Indemnizacións por razón do servicio.

5. Os contratos administrativos: concepto e clases. O procedemento de contratación. O cumprimento ou incumprimento contractual. A revisión de prezos e outras alteracións contractuais. Sistemas de adxudicación dos contratos.

Xestión universitaria.

1. A Universidade de Santiago de Compostela: estatutos. Órganos de goberno colexiados e unipersoais: clases, composición, elección e competencias. Departamentos, Centros universitarios (facultades e escolas), institutos universitarios.

2. Procedemento para o ingreso nos centros da Universidade de Santiago de Compostela. Matrícula. Simultaneidade de estudios. Réxime de permanencia. Traslados de expedientes. Validación de estudios españois e extranxeiros: procedemento. O terceiro ciclo.

3. Réxime económico e financieiro nos estatutos da Universidade de Santiago de Compostela (USC). O patrimonio. O orzamento. financiamento e control. Especial referencia ós regulamentos de xestión orzamentaria e de contratación administrativa da USC.

4. Clases e réxime xurídico do profesorado universitario. Concursos para a provisión de prazas docentes. Incompatibilidades. Clases e réxime xurídico do persoal de Administración e servicios da USC.

5. Directrices xerais comúns ós plans de estudios dos títulos de carácter oficial e validez en todo o territorio nacional. Obtención, expedición e homologación dos títulos universitarios. As titulacións propias da USC.

ANEXO III

DENOMINACIÓN DAS PRAZAS: ESCALA ADMINISTRATIVA

Tribunal titular

Presidente: Carlos Gómez-Reino Carnota, vicerrector de Coordinación do Campus de Santiago da Universidade de Santiago.

Vocais:

José Vázquez Portomeñe, vicexerente da Universidade de Santiago de Compostela.

Dulce Mª García Mella, xefa de Sección de Control Interno da Universidade de Santiago de Compostela.

Helena Maneiro García, responsable de Xestión Académica do Vicerrectorado de Ordenación Académica e Titulacións da Universidade de Santiago de Compostela.

Xosé Antón Freire Ramos, xefe de Sección de Contabilidade da Universidade de Santiago de Compostela, en representación da xunta de persoal de PAS funcionario.

Mª del Carmen Vidal Abad, xefa de subdivisión da Universidade de Santiago de Compostela, en representación da xunta de persoal de PAS funcionario.

Secretaria: Carmen Mejuto Ferreiro, xefa da Sección de Programación e Ánálise da Universidade de Santiago de Compostela, que actuará con voz pero sen voto.

Tribunal suplente:

Presidente: Manuel Castro Cotón, vicerrector de Asuntos Económicos da Universidade de Santiago de Compostela.

Vocais:

Mª del Carmen Martí Fernández, responsable de Xestión de Persoal da Vicexerencia do Campus de Lugo da Universidade de Santiago de Compostela.

Manuel Clavero Iglesias, xefe do Servicio de Contabilidade e Orzamentos da Universidade de Santiago de Compostela.

Carlos Gómez Otero, xefe do Servicio da Asesoría Xurídica da Universidade de Santiago de Compostela.

Francisco Javier Díaz Rodríguez, xefe de División da Universidade de Santiago de Compostela, en

representación da xunta de persoal de PAS funcionario.

Manuel Sanín Mariño, responsable de Asuntos Económicos da Facultade de Xeografía e Historia da Universidade de Santiago de Compostela, en representación da xunta de persoal de PAS funcionario.

Secretario: José Manuel García García, xefe da Sección de Formación de PAS da Universidade de Santiago de Compostela, que actuará con voz pero sen voto.

O tribunal poderá dispoñe-la incorporación con carácter temporal doutros funcionarios/as públicos para colaborar no desenvolvemento do proceso selectivo, tal e como se prevé no artigo 12.4º do Real decreto 364/1995, do 10 de marzo.

7297