Vistos os expedientes instruídos por instancia de Carlos Suárez Cayero, na súa calidade de representante da entidade mercantil Viajes Ecuador, S.A., en solicitude da autorización de apertura de tres novos establecementos, nas rúas Pablo Iglesias, 21 do Grove, Daniel de la Sota, 1-3, local nº 2, de Pontevedra, e San Pedro, 6, de Lugo, da axencia de viaxes Viajes Ecuador, S.A., do grupo maiorista-retallista, co código identificativo CIE 68, que ten a súa casa central en Bilbao, na rúa Gran Vía, 81.

Ó resultar que o interesado, xunto coas solicitudes, achegou toda a documentación á que fai referencia o artigo 10 do Regulamento das axencias de viaxes de Galicia, aprobado mediante o Decreto 155/1989, do 22 de xuño.

Ó resultar que na tramitación dos expedientes se observaron tódolos requisitos e formalidades establecidas regulamentariamente.

Ó considerar que na empresa solicitante e nos novos establecementos da axencia de viaxes concorren tódalas condicións esixidas polo mencionado regulamento para a obtención da súa autorización.

Visto o Real decreto 2086/1983, do 1 de setembro, de traspaso de funcións e servicios do Estado á Comunidade Autónoma de Galicia en materia de turismo, a Lei 1/1983, do 22 de febreiro, reguladora da Xunta de Galicia e do seu presidente, o Decreto 155/1989, do 22 de xuño, polo que se aproba o Regulamento das axencias de viaxes de Galicia, e a Orde do 4 de outubro de 1995, da Consellería da Presidencia e Administración Pública, pola que se delega no secretario xeral para o Turismo a competencia para autoriza-los novos establecementos das axencias de viaxes xa autorizadas, esta Secretaría Xeral para o Turismo,

RESOLVE:

Autorizarlle á axencia de viaxes Viajes Ecuador, S.A., sita en Bilbao, na rúa Gran Vía, 81, da que é titular a entidade mercantil Viajes Ecuador, S.A., a apertura de tres novos establecementos nas rúas Pablo Iglesias, 21, do Grove, Daniel de la Sota, 1-3, local nº 2, de Pontevedra, e San Pedro, 6, de Lugo, que serán inscritos no Rexistro de Empresas e Actividades Turísticas da Comunidade Autónoma galega.

Contra esta resolución, o interesado poderá interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ó da súa publicación no Diario Oficial de Galicia.

Santiago de Compostela, 29 de agosto de 1997.

P.D. (Orde 4-10-1995)

Rubén Víctor Lois Calviño

Secretario xeral para o Turismo

7311