En cumprimento do establecido na Lei orgánica 6/1985, do 1 de xullo, do poder xudicial, sobre elección e nomeamento do xuíz de paz e substituto, e co fin de prove-lo pertinente neste concello, ábrese a seguinte convocatoria:

1. Obxecto: a presentación de solicitudes perante o alcalde-presidente deste concello, por parte de

quen desexe exerce-lo cargo de xuíz de paz ou substituto.

2. Prazo de presentación: quince días hábiles a partir da última publicación no BOP ou DOG.

3. Condicións legais dos solicitantes:

a) Ser español e maior de idade.

b) Estar capacitado física e psiquicamente para a función xudicial.

c) Non estar cumprindo condena por delicto doloso.

d) Non estar suxeito a proceso pola mesma clase de delicto.

e) Posuí-lo pleno exercicio dos seus dereitos civís.

4. Xuntaranse á solicitude os documentos seguintes:

-Certificación de nacemento en fotocopia compulsada do DNI.

-Certificación do Rexistro Central de Penados e Rebeldes e declaración complementaria de conducta cidadá.

-Xustificación de méritos (de alegalos o solicitante).

O que se fai público para xeral coñecemento e efectos.

Trazo, 26 de agosto de 1997.

Jesús Dubra Rama

Alcalde