O Consello da Xerencia Municipal de Urbanismo do Concello de Vigo, en sesión celebrada o día 18 de xullo de 1997, acordou aprobar inicialmente o plan especial de infraestructura viaria e equipamento docente do campus universitario de Marcosende redactado polos arquitectos Santos Zas e Penela Fernández.

Sométese á información pública polo prazo dun mes, mediante inserción de anuncios no DOG, nun xornal dos de maior circulación da provincia e no taboleiro da Casa do Concello, significando que o prazo de exposición ó público se entenderá aberto desde a primeira publicación ata o remate do mes contado desde o derradeiro anuncio. A documentación atópase na oficina de información da Xerencia Municipal de Urbanismo ó dispor do público, planta baixa da Casa do Concello.

O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou por ignorarse o seu enderezo, non poidan ser notificados persoalmente.

Vigo, 9 de setembro de 1997.

Manuel Pérez Álvarez

Alcalde