De conformidade co disposto no artigo 59.4º da lei 30/1992, do 26 de novembro, de réxime xurídico das administracións públicas e do procedemento administrativo común, notifícaselles ás persoas que no anexo se mencionan que, con esta data, resolvín publica-los acordos de iniciación dos procedementos sancionadores por infracción administrativa da Lei 7/1992, do 24 de xullo, de pesca fluvial, (DOG
nº 151, do 5-8-1992), por non ser posible a súa notificación.
Noméase instructora do procedemento a Paloma Puente Sánchez, funcionaria desta delegación, podendo promove-la súa recusación en calquera momento da tramitación do procedemento, se concorre algunha das circunstancias previstas no artigo 28 da lei 30/1992, do 26 de novembro, de réxime xurídico das administracións públicas e do procedemento administrativo común.
A resolución será acordada polo delegado provincial da Coruña desta consellería, segundo o artigo 40 da Lei de pesca fluvial de Galicia.
Os interesados disporán dun prazo de quince días, contados a partir do seguinte ó de publicación desta notificación, para que poidan examina-los expedientes na Delegación Provincial desta consellería na Coruña, sita no edificio administrativo de servicios múltiples-Monelos, e para achegaren por escrito cantas alegacións, documentos, información ou propostas de probas consideren convenientes en defensa dos seus dereitos.
Conforme o establecido no artigo 13.2 do Regulamento do procedemento para o exercicio da potestade sancionadora, do 4 de agosto de 1993, de non se efectuar alegacións no prazo anterior, este acordo de iniciación poderá ser considerado proposta de resolución, determinándose, para estes efectos, o importe da sanción.
O pagamento voluntario poralle fin ó expediente. Para efectualo deberá emprega-los impresos normalizados que lle serán facilitados nesta delegación provincial, sita no edificio administrativo de servicios múltiples-Monelos, A Coruña.
O que se lle comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9-8-1993).
A Coruña, 29 de agosto de 1997.
Rogelio Aramburu Núñez
Delegado provincial da Coruña
ANEXO
Expediente: P-97/0114.
Denunciado: José Amado Martínez.
DNI: 76.346.464
Último enderezo coñecido: Marqués de Zafra, 135-Madrid.
Feitos denunciados: ter nas marxes do río artefactos de uso prohibido (sedelas dormentes).
Tipificación Lei de pesca:
Artigo: 34.4
Cualificación: menos grave.
Sanción proposta: 50.001 multa. Inhab. 1 ano.
Expediente: P-97/0162.
Denunciado: Ángel Colón Beis.
Último enderezo coñecido: Choupana, 15-Santiago de Compostela.
Feitos denunciados: pescar 2 troitas de tamaño menor co regulamentario.
Tipificación Lei de pesca:
Artigo: 33.9
Cualificación: leve.
Sanción proposta: 10.000 multa, 2.400 Indemniz.
6997