Obxecto: subministración de vehículos con destino ó Instituto Lácteo e Gandeiro de Galicia.
Orzamento: dez millóns de pesetas (10.000.000 de ptas), IVE incluído.
Prazo de execución: quince (15) días.
Garantía provisional: duascentas mil pesetas (200.000 ptas).
Garantía definitiva: catrocentas mil pesetas (400.000 ptas).
Documentación: os pregos de cláusulas administrativas particulares e de prescricións técnicas que rexerán nesta contratación estarán á disposición dos interesados, nos días e horas hábiles, no rexistro da sede dos servicios centrais do ILGG (rúa dos Irmandiños, s/n - Salgueiriños, Santiago de Compostela).
Presentación de proposicións: as proposicións presentaranse no antedito rexistro antes das 14 horas do vixésimo sexto (26) día natural contado a partir do seguinte ó da publicación desta resolución no Diario Oficial de Galicia. Cando a proposición se envíe por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante telegrama no mesmo día.
Apertura de proposicións: a apertura de propostas admitidas será realizada pola mesa de contratación, reunida en acto público na sala B de reunións da Consellería de Presidencia e Administración Pública (semisoto do edificio central de San Caetano) ás once (11) horas do segundo día hábil contado a partir do seguinte ó do termo do prazo de presentación de propostas. Se ese día coincidise en sábado, a mesa reuniríase o luns seguinte á mesma hora.
Anuncio: o importe deste anuncio será por conta do adxudicatario.
Santiago de Compostela, 27 de agosto de 1997.
Tomás Pérez Vidal
Presidente do Instituto Lácteo e
Gandeiro de Galicia
8588