Polo Decreto 216/1997, do 30 de xullo, procedeuse á creación e regulación do funcionamento do Servicio de Resposta Inmediata (Seri) para determinados procedementos tramitados por instancia de parte ante a Administración autonómica de Galicia segundo os principios informadores ós que debe someterse a actuación administrativa para conseguir unha maior axilidade e eficacia no seu servicio ó cidadán.

O Decreto 239/1997, do 10 de setembro, sobre desconcentración e delegación de competencias en determinados procedementos para a implantación do Servicio de Resposta Inmediata, establece nos seus artigos 3 e 4 a desconcentración nos delegados provinciais da Consellería da Presidencia e Administración Pública das competencias que, en relación cos procedementos relativos ó rexistro de agrupacións de voluntarios de protección civil, así como as baixas nel, e os relativos ó rexistro de entidades colaboradoras de protección civil, ten atribuídas a Secretaría Xeral para a Protección Civil e o Medio Ambiente.

Co fin de conseguir efectivamente esa desexada axilización na resolución destes procedementos é polo que procede, agora, delega-la referida competencia no xefe provincial de Protección Civil o que, sen dúbida, redundará nunha tamén maior eficacia.

Na súa virtude, facendo uso das atribucións que me confire o artigo 13 da Lei 30/1992, do 26 de novembro, de réxime xurídico das administracións públicas e do procedemento administrativo común,

DISPOÑO:

Primeiro.-Delegar no xefe provincial de Protección Civil da Coruña a competencia para entender e resol

ve-los seguintes procedementos tramitados por instancia de parte:

-Rexistro de agrupacións de voluntarios de protección civil, e baixas nel.

-Rexistro de entidades colaboradoras de protección civil.

Segundo.-As resolucións administrativas que se adopten facendo uso da delegación contida na presente resolución, farán constar expresamente esta circunstancia e consideraranse dictadas pola autoridade que a conferiu.

Terceiro.-En calquera momento, o delegado provincial da Coruña da Consellería da Presidencia e Administración Pública poderá reclama-lo exercicio das competencias que son delegadas por esta resolución, de acordo co establecido no artigo 14 da citada lei.

A Coruña, 12 de setembro de 1997.

José Antonio Sangil Noya

Delegado provincial da Coruña

7075