Cometido erro no prego de cláusulas administrativas particulares e de prescricións técnicas para a contratación dos traballos precisos para a realización da cartografía informatizada do termo municipal de Oleiros e, consecuentemente, nos anuncios publicados no BOP nº 184, do 12-8-1997 e no DOG nº 162, do 25-8-1997, en canto á clasificación esixida para concorrer á licitación convocada, esa Admón. municipal eméndao mediante o presente anuncio, de xeito que:
Onde dicía: «7. Requisitos específicos do contratista:
a) Clasificación: grupo I, subgrupo 1, categoría C»,
Debe dicir: «7. Requisitos específicos do contratista:
a) Clasificación: grupo I, subgrupo 1, categoría A».
Ó mesmo tempo, anúnciase que o prazo de 26 días naturais para a presentación de proposicións se computará a partir do día seguinte ó do derradeiro anuncio de publicación, ben sexa neste diario ou no BOP.
Oleiros, vintesete de agosto de mil novecentos noventa e sete.
Esther Pita Pita
Alcaldesa