Vista a solicitude presentada por Jesús Feijóo Sumay en representación do Centro de Estudios Delta e a documentación anexa, na que solicita que lle sexa concedida a cualificación de entidade para impartir cursos de instaladores de gas, grupos IG-I ó IG-IV.
Vista a Orde do 17 de decembro de 1985 pola que se aproba a instrucción sobre documentación e posta en servicio das instalacións receptoras de gas combustible e a instrucción sobre instaladores autorizados de gas e empresas instaladoras (BOE do 9-1-1986).
Considerando que se cumpriron os requisitos regulamentarios establecidos. Esta Dirección Xeral de Industria,
RESOLVE:
Outorgarlle a Centro de Estudios Delta a cualificación de entidade recoñecida para imparti-los cursos de formación de instaladores de gas, de conformidade co establecido no capítulo III da Orde do 17 de decembro de 1985, en todo o territorio da Comunidade Autónoma de Galicia.
Para imparti-los cursos, presentará perante a Delegación Provincial de Industria e Comercio da provincia correspondente, fotocopia da presente resolución, táboa de tarefas e programación de cursos previstos.
Para efectos estatísticos e de control, presentará nas delegacións provinciais de Industria e Comercio onde exerza a súa actividade, unha memoria anual e actuacións e nesta dirección xeral un resumo delas na comunidade autónoma.
Esta autorización deberase renovar ós dous anos, para o que acreditará perante esta Dirección Xeral de Industria e Comercio o cumprimento dos requisitos esixidos na autorización inicial.
Santiago de Compostela, 4 de agosto de 1997.
Joaquín del Moral Crespo
Director xeral de Industria
6506