Obxecto do contrato: constitúe o obxecto do contrato a redacción dos proxectos básico e de execución, a construcción, dirección técnica desta e xestión en réxime de concesión de aparcamentos públicos para automóbiles en Santiago de Compostela incluíndo reurbanización das zonas exteriores deste, e das outras incluídas no anexo técnico, así como reordenación dos servicios das compañías subministradoras de auga, teléfono e electricidade municipais.
Os licitadores poderán oferta-la construcción dos tres aparcamentos (variante 3), só a construcción de dous (variante 2), que, serán Xeneral Pardiñas-A Rosa e Romero Donallo, ou ben a construcción do aparcamento de Xeneral Pardiñas (variante 1).
Así mesmo, é obxecto do contrato a instalación de expendedores de tickets, xestión de cobramentos, mantemento e reparación dos elementos que constitúen o servicio de aparcamento baixo control horario na vía pública, chamada ORA incluíndo a achega do persoal necesario, así como a execución e o mantemento da sinalización horizontal e vertical precisa.
Inclúese tamén dentro do obxecto o servicio de inmobilización e retirada de vehículos da vía pública (en adiante guindastre) e a súa custodia e almacenamento ata a retirada polos titulares ou poxa pública.
Este servicio comprenderá os supostos incluídos na Lei de seguridade vial, Código de Circulación, ordenanza municipal de tráfico e calquera suposto establecido pola normativa vixente en cada momento.
Comprenderá, así mesmo, a retirada e depósito, logo da orde da policía, daqueles vehículos que se atopen estacionados na vía pública e entorpezan o paso dunha comitiva, cerimonia, etc. e en xeral cando se ordene un traslado sen que xere sanción. Estes traslados serán por conta da empresa ata o 10% do vehículos retirados por ano.
Canon de explotación: aparcamentos: non inferior ó 1% da recadación anual.
ORA: 80% do remanente anual obtido.
Proporase un cadro de tarifas por cada actividade que se explote.
Duración do contrato: a execución do contrato comprende a execución das obras. O prazo máximo de execución das obras, que en todo caso non se poderán realizar entre o mes de abril de 1999 e o mes de decembro do ano 2000, é de sete anos que se reducirán a cinco se se opta por ofertar só a construcción dos dous aparcamentos e a catorce meses se só se constrúe un aparcamento.
As operacións de reurbanización non vinculadas directamente á construcción dos aparcamentos terán o mesmo prazo de execución que estes.
Aparcamentos subterráneos: a duración da concesión será de 50 anos contados a partir da data de formalización do contrato.
ORA e guindastre: a duración da concesión será de 10 anos. O prazo poderase prorrogar por anualidades ata un máximo de 15 anos.
Proposicións: os licitadores poderán presentar proposicións no Rexistro Xeral de Entrada do concello, de 9 a 14 horas ata o día 21-10-1997.
Documentación: Rúa Nova de Abaixo, 19-21, Santiago de Compostela. Teléfono (981) 59 33 85.
Clasificación do contratista: grupo c, categoría f.
Criterios de adxudicación:
-Solvencia e capacitación técnica da empresa para a execución do contrato: ata 40 puntos.
-Mantemento da proposta de técnica constructiva contida no anexo e garantías sobre a diminución do impacto das obras sobre a actividade normal das rúas nas que se interveña: ata 30 puntos.
-Nº total de prazas de aparcamento construídas e superficie urbanizada, así como mellor estructura tarifaria: ata 20 puntos.
-Mellora xeral nos prazos de execución, así como na distribución de anualidades: ata 10 puntos.
Garantía provisional: 2.000.000 de ptas.
Apertura de plicas: terá lugar en acto público ás 12 horas na Casa do Concello (secretaría) o día 27-10-1997.
Santiago de Compostela, 28 de xullo de 1997.
Alcalde
Rubricado
6461