A Lei 11/1996, do 30 de decembro, de presupostos xerais da Comunidade Autónoma de Galicia, nos seus artigos 45 e seguintes atribúe á Consellería de Economía e Facenda novas competencias en materia de xestión recadatoria e establece determinados órganos para a súa execución.
Posteriormente o Decreto 13/1997, do 23 de xaneiro, polo que se establece a estructura orgánica da Consellería de Economía e Facenda (DOG nº 22, do 3 de febreiro de 1997, corrección de erros DOG nº 33, do 18 de febreiro de 1997), modifica a estructura orgánica tanto dos servicios centrais como periféricos da dita consellería, o que fai necesario aprobar unha nova relación de postos de traballo da Consellería de Economía e Facenda.
Na súa virtude, por proposta da Consellería de Economía e Facenda, oídas as organizacións sindicais presentes na Mesa Xeral de Negociación da Comunidade Autónoma de Galicia e a Comisión de Persoal, o Consello da Xunta de Galicia, na súa reunión do 25 de agosto de 1997 adoptou o seguinte
ACORDO:
Primeiro.-Aproba-la relación de postos de traballo do persoal funcionario e laboral da Consellería de Economía e Facenda.
Segundo.-Ordena-la publicación da dita relación de potos de traballo no Diario Oficial de Galicia para efectos da súa entrada en vigor a partir do día seguinte a ela.
Terceiro.-Quedan sen efecto a relación de postos de traballo da Consellería de Economía e Facenda aprobada con anterioridade.
Visto o acordo adoptado polo Consello da Xunta de Galicia na súa reunión do 25 de agosto de 1997, relativo á aprobación da relación de postos de traballo da Consellería de Economía e Facenda, coa finalidade de cumpri-lo acordo, dispoño que se publique a anterior relación no Diario Oficial de Galicia como anexo a esta resolución.
Santiago de Compostela, 27 de agosto de 1997.
Dositeo Rodríguez Rodríguez
Conselleiro da Presidencia e Administración Pública
ANEXO I
CONSELLERÍA DE ECONOMÍA E FACENDA
No DOG nº 227, do 27 de novembro de 1995, nas páxinas 8.687 a 8.702 que publican a relación de postos de traballo da Consellería de Economía e Facenda substitúense tódolos postos de traballo polos seguintes:
Persoal funcionario
Novos códigos de corpos/escalas
Engádese a continuación do código A9.XERAL(ESCALAS FINANZAS os seguintes códigos para as especialidades das ditas escalas:
A9.1 INSPECCIÓN FINANCEIRA E TRIBUTARIA
A9.2 XESTIÓN TRIBUTARIA
A9.3 INTERVENCIÓN
A9.4 TÉCNICA DE INSPECCIÓN FINANCEIRA E TRIBUTARIA
A9.5 TÉCNICA DE XESTIÓN TRIBUTARIA
A9.6 TÉCNICA DE CONTABILIDADE E INTERVENCIÓN
Nova redacción do código 194
de formación específica
Pertenza ás escalas de finanzas, preferentemente especialidade A9.3 e/ou A9.6; no seu defecto outras especialidades das escalas e en último lugar, experiencia en materia económico-financeira (R.I.)
Novo código de formación específica
Engádese a continuación do código 830 o seguinte código:
831.- EXPERIENCIA XESTIÓN ORZAMENTARIA E CONTABILIDADE FINANCEIRA (R.I.)
6678