Convocado o concurso público nº 14/1997 para a contratación da prestación integral do servicio de almorzos e merendas para unidades de hospitalización e manutención do persoal de garda no Hospital Santo Cristo de Piñor, e á vista das actuacións practicadas de conformidade coa lexislación vixente, esta dirección xerencia en virtude das atribucións delegadas pola orde da Consellería de Sanidade e Servicios Sociais do 22 de maio de 1996 (DOG nº 111, do 6 de xuño),

RESOLVE:

Primeiro.-Adxudicarlle a contratación da prestación integral do servicio de almorzos e merendas para unidades de hospitalización e manutención do persoal de garda no Hospital Santo Cristo de Piñor a:

Servicios de Hosteleria Aguinchos, S.L.

NIF: B. 32192817.

Segundo-O importe do contrato será de catorce millóns cento trinta e catro mil seiscentas vintecinco pesetas (14.134.625 ptas.) IVE incluído, en cómputo anual.

Terceiro.-A vixencia do contrato fíxase desde a data da sinatura deste ata o 31 de decembro de 1997.

Cuarto.-Logo da formalización do contrato, a empresa adxudicataria deste servicio está obrigada a constituír unha fianza definitiva do 4% do importe de licitación, asi como ó resto das obrigas, na forma e contía sinaladas nos pregos de cláusulas administrativas particulares e prescricións técnicas que rexeron neste concurso.

Ourense, 31 de xullo de 1997.

Pedro A. Soler Bordoy

Director xerente do Complexo Hospitalario

Cristal-Piñor de Ourense

6402