Ponse en coñecemento dos interesados na concentración parcelaria da zona de San Cristovo de Reis (Teo-A Coruña), declarada de utilidade pública e urxente execución por Decreto 129/89 de 6 de xullo (DOG nº 140 do 21 de xullo de 1989).
Primeiro.-Con data 18 de xullo de 1997, o director xeral de Estructuras e Desenvolvemento Rural, aprobou o acordo de concentración da zona de San Cristovo de Reis (Teo-A Coruña), logo de introducir no proxecto as modificacións oportunas á vista do resultado da enquisa deste último.
Segundo.-O acordo de concentración estará exposto ó público no Concello de Teo e nos lugares de costume da parroquia durante trinta días hábiles, contados desde o seguinte ó da última publicación desta resolución no Diario Oficial de Galicia e no BOP.
Terceiro.-No prazo dos trinta días que se din, cabe interpoñer recurso de alzada perante o conselleiro de Agricultura, Gandería e Montes, podendo os recorrentes presenta-lo recurso na Xefatura de Servicio de Estructuras e Desenvolvemento Rural (edificio administrativo de Monelos, s/n, 6ª planta, A Coruña), nas oficinas centrais da consellería (San Caetano, s/n, Santiago) ou en calquera das dependencias ás que fai referencia o artigo 38 da Lei de réxime xurídico das administracións públicas e do procedemento administrativo común, expresando no escrito un domicilio dentro do concello para facerlle as notificacións que procedan, e, se é o caso, a persoa residente nel a quen teñan que facerse as notificacións.
Advírteselle, ademais, que o acordo de concentración parcelaria só poderá ser obxecto de recurso de alzada se se infrinxen as formalidades prescritas para a súa elaboración e publicación ou se non se axustase ás bases (artígos 36, 38, 40 e 41 da Ley de concentración parcelaria para Galicia).
A Coruña, 29 de xullo de 1997.
Rogelio del Valle Muñoz-Cobo
Xefe de Servicio de Estructuras
e Desenvolvemento Rural da Coruña
Visto e prace
Rogelio Aramburu Núñez
Delegado provincial da Coruña
6438