Os efectos previstos no artigo 9 do Decreto 2617/1966, sométese a información pública a petición de autorización da instalación eléctrica que se describe:
Solicitante: Barras Eléctricas, S.A.
Enderezo social: Cidade de Viveiro, 4-1º Lugo.
Denominación: ampliación da subestación de Magazos-Viveiro (2ª fase).
Situación: Viveiro.
Descricións técnicas: ampliación da subestación eléctrica 130/20 kV de Magazos-Viveiro (2ª fase). Proxéctase instalar dous módulos de liña a 130 kV de 30 e 24 MVA respectivamente, estando alimentada actualmente por unha única liña que a une coa subestación de Mondoñedo, para mellora do servicio eléctrico na zona.
Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de 30 días.
Lugo, 9 de xullo de 1997.
Jesús Bendaña Suárez
Delegado provincial de Lugo
97-6378