A Consellería de Cultura e Comunicación Social, unha vez cumpridos os trámites administrativos correspondentes, resolveu anunciar, polo sistema de concurso, procedemento aberto, as contratacións seguintes:
-Restauración do retablo maior da igrexa de San Pedro de Correxais en Vilamartín de Valdeorras (Ourense).
Orzamento de licitación: tres millóns duascentas mil pesetas (3.200.000 ptas.) IVE incluído.
Prazo de execución: tres (3) meses.
Fianza provisional: non se esixe.
-Restauración do retablo maior da igrexa de San Pedro en Cudeiro (Ourense).
Orzamento de licitación: tres millóns trescentas cincuenta mil pesetas (3.350.000 ptas.) IVE incluído.
Prazo de execución: tres (3) meses.
Fianza provisional: non se esixe.
-Adquisición de dúas fotocopiadoras dixitais (dous lotes).
-Orzamento de licitación: sete millóns de pesetas (7.000.000 de ptas.) IVE incluído.
Lote I: tres millóns seiscentas cincuenta mil pesetas (3.650.000 ptas.) IVE incluído.
Lote II: tres millóns trescentas cincuenta mil pesetas (3.350.000 ptas.) IVE incluído.
Prazo de execución: quince (15) días.
Fianza provisional: cento corenta mil pesetas (140.000 ptas.).
-Proxecto de rehabilitación e posta en valor da ponte de Villestro, en Santiago de Compostela.
Orzamento de licitación: once millóns oitocentas oitenta e cinco mil trescentas corenta e catro pesetas (11.885.344 ptas.) IVE incluído.
Prazo de execución: tres (3) meses.
Clasificación esixida: grupo K, subgrupo 7, categoría c.
Fianza provisional: non se esixe.
Exposicións dos pregos: o proxecto, os pregos de prescricións técnicas e os pregos de cláusulas administrativas estarán de manifesto no Servicio de Obras e Contratación da Consellería de Cultura e Comunicación Social, e nas delegacións provinciais durante o prazo de presentación de proposicións, de 10 a 14 horas, e no teléfono (981) 58 89 38.
Prazo de presentación de proposicións: será de 26 días naturais contados a partir do día seguinte ó da publicación da presente resolución no DOG.
Lugar de presentación de proposicións: no rexistro xeral da consellería en sobres pechados e asinados polo licitador ou persoa que o represente. Se as proposicións se cursan por correo , haberá que aterse ó previsto na cláusula 7.2 do prego de cláusulas administrativas particulares.
Documentación que presentarán os licitadores: a establecida pola cláusula 7 do prego de cláusulas administrativas particulares. No caso da terceira contratación, a documentación xeral (sobre A) poderá ser común para tódolos lotes ós que opten os licitadores.
Apertura de proposicións: será realizada pola mesa de contratación ás 11 horas do décimo día natural seguinte ó do remate do prazo de admisión de proposicións na sala de xuntas da Consellería de Cultura e Comunicación Social.
Se coincidise en sábado ou festivo, terá lugar o inmediato día hábil seguinte á mesma hora.
O importe do anuncio do presente concurso será por conta dos adxudicatarios.
Santiago de Compostela, 31 de xullo de 1997.
José Mª Sánchez González
Secretario xeral da Consellería de Cultura
e Comunicación Social
6008