En virtude do disposto na Orde de 23 de xuño de 1997 (DOG do 3 de xullo, corrección de erros do 7 de xullo) convocábanse 25 bolsas para favorece-la investigación no campo dos estudios xacobeos e concedíase un prazo de 10 días hábiles para presenta-la documentación. Co fin de favorece-los
principios de publicidade e concorrencia, considérase oportuno amplia-lo prazo de presentación de solicitudes.
En consecuencia, de conformidade co disposto na Lei 1/83, do 22 de febreiro, reguladora da Xunta de Galicia e do seu presidente, reformada pola Lei 11/88, de 20 do outubro,
DISPOÑO:
Artigo único.
Ábrese un novo prazo de presentación de solicitudes de bolsas para participar no III Congreso de Estudios Xacobeos. Este prazo será de 10 días hábiles a partir da publicación da presente modificación no DOG.
Disposición derradeira
Primeira.-Facultase a xerente de Promoción do Camiño de Santiago para dictar no ámbito das súas competencias as resolucións precisas para o desenvolvemento desta orde.
Segunda.-Esta orde entrará en vigor ó día seguinte da súa publicación no Diario Oficial de Galicia.
Santiago de Compostela, 29 de xullo de 1997.
Jesús Pérez Varela
Conselleiro de Cultura e Comunicación Social
6093