O apartado 1º do artigo 5º do Decreto 336/1994, do 27 de outubro, polo que se desenvolve a Lei 4/1993, do 14 de abril, de servicios sociais, establece que a duración do mandato dos vocais representativos será de catro anos, sen prexuízo da súa reelección e da posibilidade de substitución dos titulares e suplentes durante o dito período, por proposta da institución, asociación ou entidade a quen represente.
Así mesmo, o apartado 3º do citado decreto establece que os vocais do Consello Galego de Servicios Sociais serán nomeados polo presidente do consello, por proposta da institución, asociación ou entidade a quen representen, e o nomeamento deberá publicarse no Diario Oficial de Galicia.
Con ocasión das recentes eleccións á Xunta de Goberno do Colexio Oficial de Diplomados en Traballo Social e Asistentes Sociais, foron nomeados novos representantes nos consellos, autonómico e provinciais, de Servicios Sociais, polo que en aplicación do disposto no artigo 5º do Decreto 336/1994, do 27 de outubro,
RESOLVO:
Nomear vocais, titulares e suplentes, dos consellos de Servicios Sociais, en representación do Colexio Oficial de Diplomados en Traballo Social e Asistentes Sociais, as seguintes persoas:
-Consello Galego de Servicios Sociais:
Titular: Mª Concepción Rancaño Osorio.
Suplente: Mª Jesús Santos Santos.
-Consellos provinciais de Servicios Sociais:
A Coruña.
Titular: Nuria Valiño Rodríguez.
Suplente: Amparo Varela Ramos.
Lugo.
Titular: Mª José Castro Álvarez.
Suplente: Eladio de Vicente Fernández.
Ourense.
Titular: Mª Jesús Santos Santos.
Suplente: Ángeles Penedo Pita.
Pontevedra.
Titular: Ángeles Penedo Pita.
Suplente: Mª Jesús Santos Santos.
Contra a presente resolución poderá interpoñerse recurso contencioso-administrativo, no prazo de dous meses contados a partir do día seguinte á súa notificación, ante a Sala do Contencioso-Administrativo do Tribunal Superior de Xustiza de Galicia.
Santiago de Compostela, 28 de xullo de 1997.
José María Hernández Cochón
Conselleiro de Sanidade e Servicios Sociais
6211