Examinado o expediente 115A-97/6 relativo ó proxecto de expropiación forzosa da actuación mixta residencial-industrial Os Capelos, promovido polo Concello de Carral para os efectos que determina o artigo 145.6º da Lei 1/1997, do 24 de marzo, do solo de Galicia (DOG nº 59 do 26 de marzo de 1997) e visto o informe proposta da Subdirección Xeral de

Urbanismo e Arquitectura, de data 25 de xuño de 1997 e a Orde de 27 de setembro de 1995, pola que se delegan atribucións en materia de urbanismo nos delegados provinciais (DOG nº 194 do 9 de outubro de 1995).

RESOLVO:

Primeiro.-Aprobar definitivamente o proxecto de expropiación forzosa da actuación mixta residencial- industrial Os Capelos, promovido polo Concello de Carral polo procedemento de taxación conxunta previsto nos artigos 145 e seguintes da Lei 1/1997, do 24 de marzo, do solo de Galicia (DOG nº 59, do 26 de marzo de 1997), facendo constar que a presente resolución implicará a declaración de urxencia da ocupación dos bens e dereitos afectados polo proxecto de expropiación, de conformidade co establecido no artigo 146 punto 1º da Lei 1/1997, do 24 de marzo.

En consecuencia, o pagamento ou depósito do importe da valoración establecida producirá os efectos previstos nos nºs 6, 7 e 8 do artigo 52 da Lei de expropiación forzosa, sen prexuízo de que continúe a tramitación do procedemento para a definitiva fixación do prezo xusto (artigo 146 punto 2º da Lei 1/1997, do 24 de marzo).

Segundo.-Notifica-la resolución aprobatoria do expediente a tódolos interesados titulares dos bens e dereitos que figuran nel, conferíndolles un prazo de vinte días durante o cal poderán manifestar por escrito ante esta delegación provincial a súa desconformidade coa valoración establecida no expediente aprobado, conforme dispón o artigo 145 punto 7 da Lei 1/1997, do 24 de marzo, e advertíndolles que, transcorrido o citado prazo de vinte días sen que se formule oposición á valoración, entenderase aceptada a que se fixou no acto aprobatorio do expediente, e entenderase determinado o prezo xusto definitivamente e de conformidade (artigo 145 punto 8 da Lei 1/1997, do 24 de marzo).

Terceiro.-Publica- lo presente acordo no DOG así coma os seguintes bens e dereitos afectados polo proxecto de expropiación:

Así mesmo, a publicación desta resolución servirá de notificación ós propietarios descoñecidos, ós que de lugar de notificación ignorado, ou ben tramitada a notificación, non se puidese realizar. Todo isto de acordo co disposto no artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común (BOE do 27-11-1992).

Contra a citada resolución, que é definitiva en vía administrativa, cabe interpoñer recurso contencioso- administrativo ante a Sala do Contencioso Administrativo do Tribunal Superior de Xustiza de Galicia, no prazo de dous meses contados a partir da data de notificación desta resolución, debendo comunicar previamente a esta delegación provincial a devandita interposición conforme dispón o artigo 110 punto 3 da Lei 30/1992, de réxime xurídico das administracións públicas e do procedemento administrativo común.

A Coruña, 21 de xullo de 1997.

Jesús Almuiña Loeda

Delegado provincial da Coruña

6328