O Consello da Xerencia Municipal de Urbanismo, en sesión celebrada o día 6 de xuño de 1997, acordou aprobar inicialmente o proxecto de urbanización e o seu complementario de iluminación pública do polígono 42 do PERI do Calvario, conforme a documentación elaborada polo enxeñeiro de camiños Alberto Moreno García, visada o día 5 de marzo de 1990 e informada favorablemente polos servicios técnicos municipais o día 9 de maio de 1997.
Sométese á información pública polo período dun mes, mediante inserción de anuncios no DOG, un xornal dos de maior circulación da provincia, e no taboleiro de anuncios da Casa do Concello.
Signifícase que o prazo de exposición pública se entenderá aberto desde a primeira publicación ata o remate do mes, contado desde o derradeiro anuncio.
A documentación atópase na oficina de información da Xerencia Municipal de Urbanismo á disposición do público, planta baixa do Concello.
O presente anuncio servirá de notificación nos termos do artigo 59 da Lei de réxime xurídico das administracións públicas e do procedemento administrativo común para tódolos propietarios e interesados directamente afectados que, por resultaren descoñecidos ou ignorándose o seu enderezo, non poidan ser notificados persoalmente.
Vigo, 23 de xuño de 1997.
Manuel Pérez Álvarez
Alcalde