Por Orde do 17 de febreiro de 1997 (DOG do 11 de abril) convocáronse axudas para subvenciona-las actividades desenvolvidas ou que tivesen previsto desenvolver durante o ano 1997 os conservatorios de música públicos non dependentes da Consellería de Educación e Ordenación Universitaria da Comunidade Autónoma de Galicia.
A comisión constituída segundo establece o punto sétimo da orde da convocatoria, en reunión celebrada o día 9 de xuño de 1997, acordou propoñe-la adxudicación das ditas axudas, por tanto esta consellería,
DISPÓN:
Primeiro.-Adxudicarlles axudas ós conservatorios de música solicitantes que se relacionan no anexo I desta orde, nas contías que se indican.
Segundo.-Para facer efectivo o pagamento das axudas, os beneficiarios presentarán na Dirección Xeral de Centros e Inspección Educativa da Consellería de Educación e Ordenación Universitaria, antes do 30 de agosto de 1997, a completa xustificación dos gastos realizados.
De acordo co apartado décimo da orde de convocatoria, esta xustificación de gastos presentarase en dúas partes: o 70% correspondente ós gastos realizados con anterioridade ó 30 de abril de 1997 e o 30% restante, correspondente ós gastos realizados ata o 15 de xullo de 1997.
Santiago de Compostela, 30 de xuño de 1997.
Celso Currás Fernández
Conselleiro de Educación e Ordenación Universitaria
ANEXO
Conservatorio públicoContía da subvención ptas.
Barco de Valdeorras2.300.000
Cangas2.300.000
Carballiño, O1.600.000
Carballo2.300.000
Celanova1.050.000
Culleredo2.300.000
Estrada, A2.300.000
Guarda, A1.050.000
Gondomar1.050.000
Lalín2.300.000
Melide2.300.000
Noia2.300.000
Ponteareas2.300.000
Pontes de G. R., As2.300.000
Redondela2.300.000
Ribadavia1.600.000
Ribeira2.300.000
Tui1.600.000
Verín1.050.000
Vilalba2.300.000
Viveiro2.300.000
97-5810