Convócase concurso público por procedemento aberto, trámite de urxencia, para a subministración de diverso material informático para a Facultade de Ciencias de Educación.

O prego de cláusulas administrativas particulares para a contratación de subministracións por concurso público pódese retirar na xerencia, Servicio de Xestión Económica, na sede do rectorado sita en r/ Maestranza, s/n, A Coruña, de luns a venres e de 9 a 14 horas.

As propostas presentaranse no rexistro xeral da universidade, r/ Maestranza, s/n, de luns a venres e de 9 a 14 horas.

O prazo de presentación de proposicións rematará ás 14 horas do décimo terceiro día natural contado a partir do seguinte ó da publicación desta resolución no Diario Oficial de Galicia.

A apertura de plicas celebrarase o terceiro día hábil seguinte ó do remate do prazo de presentación de proposicións, ás 11 horas da mañá na sala de xuntas da xerencia; se este día coincide en sábado realizarase o luns seguinte á mesma hora.

Orzamento de contratación:

-Lote 1: tres millóns catrocentas unha mil setecentas unha pesetas (3.401.701).

-Lote 2: cinco millóns cento corenta e catro mil seiscentas pesetas (5.144.600).

Garantía provisional:

-Lote 1: sesenta e oito mil trinta e catro pesetas (68.034).

-Lote 2: cento dúas mil oitocentas noventa e dúas pesetas (102.892).

A Coruña, 11 de xullo de 1997.

P.D. (Resolución 30-3-1990)

José María Pujalte Giménez

Xerente

5922