De acordo co establecido no prego de cláusulas administrativas particulares polas que se rexe o contrato de servicios arriba indicado (e que xunto coa restante documentación de interese para os licitadores, que pode ser adquirido no servicio de información da Consellería de Educación e Ordenación Universitaria, edificio administrativo de San Caetano, Santiago de Compostela, teléfono 54 44 00, faise público:
1. Obxecto: deseño, organización e realización dunha campaña para facilita-la aprendizaxe da educación vial, con especial atención ós usuarios e encargados do transporte escolar, e axudar ó afianzamento do emprego do galego durante o traslado dos escolares da casa ó centro de ensino e viceversa, nas condicións que se establecen no prego de prescricións técnicas. A duración do contrato comezará
coa súa formalización e finalizará co remate do primeiro trimestre do curso escolar 1997-1998.
2. Orzamento: 25.000.000 de ptas., IVE incluído.
3. Presentación de proposicións: as ofertas serán presentadas en sobres cerrados e asinados polo licitador, ou persoa que o represente, no rexistro xeral da Consellería de Educación e Ordenación Universitaria, no edificio administrativo de San Caetano, ata as 14 horas do décimo terceiro día natural seguinte ó da publicación deste anuncio.
4. Apertura de proposicións: a apertura das ofertas presentadas en prazo hábil terá lugar en acto público na sala de xuntas da Dirección Xeral de Política Lingüística da Consellería de Educación e Ordenación Univesritaria, no edificio administrativo de San Caetano en Santiago de Compostela, ás trece horas do día 14 de agosto de 1997.
5. Anuncios: o importe deste anuncio será por conta do adxudicatario.
Santiago de Compostela, 23 de xullo de 1997.
Manuel Regueiro Tenreiro
Director xeral de Política Lingüística
5573