Para os efectos previstos no Decreto 2617/1966, do 20 de outubro, sométese a información pública a solicitude da empresa Hijos de Rivera, S.A., con domicilio social no polígono industrial da Grela, r/ Gambrinus, números 2-10 (A Coruña), para a autorización administrativa das instalacións que seguen:
Planta de coxeración cunha potencia eléctrica total en bornas dos xeradores de 4.460 kW composta de:
-2 motores de combustión interna alternativa funcionando con gas natural, de 2.230 kW de potencia eléctrica unitaria.
-Dous xeradores síncronos trifásicos, de 2.800 kVA cada un, factor de potencia 0,8, tensión de xeración 0,690 kV, 50 Hz.
-2 alternadores síncronos cunha potencia nominal de 1.500 kVA c/u, rdt 15/0,690, tipo interior.
-Instalacións complementarias de aproveitamento de calores en forma de vapor auga quente.
-Instalacións de baixa tensión de regulación e control de todo o sistema.
-Outras instalacións auxiliares e de interconexión coas liñas eléctricas da compañía eléctrica distribuidora.
Orzamento: 450.000.000 de ptas.
Todas aquelas persoas ou entidades que se consideren afectadas poderán presenta-las súas reclamacións ou oposición, no prazo de trinta días, nesta delegación provincial, edificio administrativo Monelos, 15071 A Coruña.
A Coruña, 20 de xuño de 1997.
Juan I. Lizaur Otero
Delegado provincial da Coruña
5570