Eu, Ramón Lojo Aller, maxistrado-xuíz do Xulgado do Penal número un dos de Santiago de Compostela e o seu partido, fago saber que na executoria 287/1996, seguida por abandono de familia, contra José Piñeiro Montero, se acordou sacar a poxa pública, por primeira, segunda e terceira vez e polo termo de vinte días, o vehículo propiedade do penado José Piñeiro Montero, vehículo marca Renault 18, modelo GTS, matrícula M-0154-EB, con data de matriculación o 4-11-1980, valorado pericialmente en setenta e cinco mil pesetas (75.000 ptas.)

Para o acto da poxa sinálase o vindeiro día 22 de setembro de 1997, ás doce horas, na sala de audiencia deste xulgado e os días trece de outubro e tres de novembro ás doce horas, para o suposto de que non houbese licitadores, respectivamente na primeira e segunda poxa.

Prevense os licitadores:

1) Que servirá de tipo para a primeira poxa o prezo de taxación de setenta e cinco mil pesetas (75.000 ptas.), as 2/3 partes deste para a segunda e a terceira, se é o caso, celebrarase sen suxeición a tipo.

2) O remate non poderá facerse en calidade de cederllo a un terceiro.

3) Para tomaren parte na poxa deberán consignar na mesa do xulgado o 20% do tipo polo que sae a poxa; e en tódalas poxas desde o anuncio ata a celebración poderán facerse licitacións por escrito en prego pechado, xuntando resgardo de ter depositado a consignación no BBV, oficina principal de Santiago de Compostela, número de conta 66000-4-clave 1585, concepto 78, executoria 99/94.

O vehículo e a súa documentación encóntranse en poder do seu propietario, José Piñeiro Montero, domiciliado na rúa Estocolmo, R-8-5, terceira escaleira-2 E (Santiago de Compostela), (garaxe propiedade do referido penado).

Dado en Santiago de Compostela o catorce de xuño de mil novecentos noventa e sete.

O maxistrado-xuíz

Rubricado

5638